BBC (બ્રિટિશ બ્રોડકાસ્ટિંગ કોર્પોરેશન)ની દિલ્હી અને મુંબઈ ઑફિસમાં આવકવેરા વિભાગનું સર્વેક્ષણ લગભગ 60 કલાક પછી ગુરુવારે સમાપ્ત થયું. આ પછી, શુક્રવારે આવકવેરા વિભાગ દ્વારા એક સત્તાવાર નિવેદન જારી કરવામાં આવ્યું છે, જેમાં ઘણા મોટા ખુલાસા થયા છે. આ ખુલાસાઓમાં સૌથી મોટી વાત એ છે કે બીબીસીએ ઓછી આવક બતાવીને ટેક્સ બચાવવાનો પ્રયાસ કર્યો છે.
BBC આવકવેરા વિભાગે મંગળવારે સવારે 11.30 વાગ્યે દિલ્હી અને મુંબઈમાં બીબીસીની ઑફિસમાં સર્વેક્ષણની કામગીરી શરૂ કરી હતી અને આજે રાત્રે 10 વાગ્યા પછી તેને પૂર્ણ કરી હતી. અધિકારીઓએ જણાવ્યું હતું કે આવકવેરા અધિકારીઓએ સર્વેક્ષણની કાર્યવાહીના ભાગરૂપે ઉપલબ્ધ સ્ટોકની ઇન્વેન્ટરી બનાવી છે, કેટલાક કર્મચારીઓના નિવેદનો રેકોર્ડ કર્યા છે અને કેટલાક દસ્તાવેજો જપ્ત કર્યા છે. જાણો બીબીસી પર આવક વિભાગે લગાવેલા 5 મોટા આરોપ
5 મોટા આરોપ (BBC)
સર્વે દરમિયાન જાણવા મળ્યું છે કે બીબીસી ગ્રુપે ઓછી આવક બતાવીને ટેક્સ બચાવવાનો પ્રયાસ કર્યો હતો. સર્વેક્ષણમાં બહાર આવ્યું છે કે વિવિધ ભારતીય ભાષાઓ (અંગ્રેજી સિવાય)માં સામગ્રીનો નોંધપાત્ર વપરાશ હોવા છતાં, વિવિધ જૂથની સંસ્થાઓ દ્વારા દર્શાવવામાં આવેલી આવક/નફો ભારતમાં કામગીરીના સ્કેલને અનુરૂપ નથી.”
તપાસ દરમિયાન, વિભાગે સંસ્થાની કામગીરીને લગતા ઘણા પુરાવા એકત્ર કર્યા, જે દર્શાવે છે કે બીબીસીના વિદેશી એકમો દ્વારા નફાના ઘણા સ્ત્રોત હતા, જેના પર ભારતમાં બાકી કર ચૂકવવામાં આવ્યો ન હતો.
વિદેશમાં અને દેશમાં એવા ઘણા કર્મચારીઓ છે જેમને ભારતીય એકમ દ્વારા ચૂકવણી કરવામાં આવી હતી પરંતુ તેના પર પણ ટેક્સ ચૂકવવામાં આવ્યો ન હતો. આવકવેરા વિભાગે જણાવ્યું હતું કે ટ્રાન્સફર પ્રાઇસિંગ ડોક્યુમેન્ટેશનના સંબંધમાં ઘણી વિસંગતતાઓ જોવા મળી હતી.
સર્વેની કામગીરી દરમિયાન કર્મચારીઓના નિવેદનો, ડીજીટલ પુરાવા અને દસ્તાવેજો દ્વારા મહત્વના પુરાવાઓ મળી આવ્યા છે જેની વધુ તપાસ કરવામાં આવશે. અત્રે ઉલ્લેખનીય છે કે જે કર્મચારીઓની ભૂમિકા નિર્ણાયક હતી તેમના જ નિવેદનો નોંધવામાં આવ્યા હતા. આ તમામ નાણાકીય ગેરરીતિઓ BBC કર્મચારીઓના નિવેદનો, ડિજિટલ પુરાવા અને દસ્તાવેજોના આધારે બહાર આવી છે.
સર્વેક્ષણ દરમિયાન એવું પણ જોવા મળ્યું હતું કે વિભાગે માત્ર મુખ્ય કર્મચારીઓના નિવેદનો નોંધવામાં યોગ્ય કાળજી લીધી હોવા છતાં, તપાસ માટે માંગવામાં આવેલા દસ્તાવેજો સોંપવામાં નોંધપાત્ર વિલંબ થયો હતો. જૂથના આવા વલણ હોવા છતાં, સર્વેક્ષણ કામગીરી એવી રીતે હાથ ધરવામાં આવી હતી કે જેથી નિયમિત મીડિયા/ચેનલ પ્રવૃત્તિ ચાલુ રાખી શકાય.
