દિલ્હી સરકાર આજે 2022-23નું બજેટ રજૂ કરશે. દિલ્હીના નાયબ મુખ્યમંત્રી અને નાણામંત્રી મનીષ સિસોદિયા આ બજેટ રજૂ કરશે. મનીષ સિસોદિયા ગૃહમાં નાણાકીય વર્ષ 2022-23 માટે અનુદાનની માંગણીઓ રજૂ કરશે. આ વખતે બજેટમાં સામાન્ય લોકોનો અભિપ્રાય લેવામાં આવ્યો છે, એવું માનવામાં આવે છે કે આજે બજેટ રજૂ કરનારી દિલ્હી સરકાર પાસે દિલ્હીની આર્થિક પ્રગતિ, રોજગારલક્ષી તકોનો રોડમેપ હશે.
આ બાબતો પર મૂકવામાં આવશે ભાર
સાથે જ બજેટમાં વ્યાપાર અને ઔદ્યોગિક ક્ષેત્રને વધારવા પર સરકારનો ભાર રહેશે. આજે સવારે 11 વાગ્યે રજૂ થનારા બજેટમાં મનીષ સિસોદિયાનું સમગ્ર ધ્યાન દિલ્હીના વિકાસ પર રહેશે. મનીષ સિસોદિયા આ બજેટમાં શિક્ષણ, આરોગ્ય, પરિવહન, પ્રદૂષણ, ઈ-વાહન સહિત અન્ય ઘણી મહત્વની યોજનાઓ સાથે સંબંધિત બ્લૂ પ્રિન્ટ પણ રજૂ કરશે. બજેટ પર ચર્ચા સત્રના અંતિમ દિવસે 29 માર્ચે થશે.
વાર્ષિક આવક વધી
બજેટ રજૂ કરતા પહેલા, મનીષ સિસોદિયાએ શુક્રવારે વિધાનસભામાં વર્ષ 2021-22ના પરિણામ બજેટની સ્થિતિનો અહેવાલ રજૂ કર્યો, જેમાં સિસોદિયાએ કહ્યું કે માથાદીઠ આવકના સંદર્ભમાં દિલ્હી સિક્કિમ અને ગોવા પછી ત્રીજા સ્થાને છે. દિલ્હીની માથાદીઠ આવક વાર્ષિક ધોરણે 16.81% વધીને 2021-22માં 4,01,982 રૂપિયા થઈ ગઈ છે.
શુક્રવારે પરિણામ અહેવાલ રજૂ કરવામાં આવ્યો હતો
દિલ્હીના નાયબ મુખ્યમંત્રી મનીષ સિસોદિયાએ શુક્રવારે વિધાનસભામાં વર્ષ 2021-22 માટેના ‘આઉટકમ બજેટ’નો સ્ટેટસ રિપોર્ટ રજૂ કર્યો હતો. તેમણે કહ્યું કે આ પ્રકારનું પરિણામ બજેટ પ્રથમ વખત લાવવામાં આવ્યું છે જેમાં સરકાર દ્વારા વિવિધ પ્રોજેક્ટ્સની સ્થિતિ વિશે સંપૂર્ણ માહિતી આપવામાં આવી છે. સ્ટેટસ રિપોર્ટ રજૂ કરતા સિસોદિયાએ કહ્યું કે દિલ્હી સરકારે શાળાઓમાં 13,181 વર્ગખંડો બનાવ્યા છે અને સરકારી શાળાઓમાં નોંધાયેલા વિદ્યાર્થીઓની સંખ્યા 15 લાખથી વધીને 18 લાખ થઈ ગઈ છે.
આ પણ વાંચો :માત્ર ‘ધ કાશ્મીર ફાઇલ્સ’ જ નહીં, ગુજરાત ફાઇલ્સ વિશે પણ વાત થવી જોઈએ: સુશીલ કુમાર શિંદે
આ પણ વાંચો : CM યોગી કેબિનેટની આજે પ્રથમ બેઠક યોજાશે, ઘણા મહત્વપૂર્ણ મુદ્દાઓ પર થઈ શકે છે ચર્ચા
આ પણ વાંચો :ISRO ટૂંક સમયમાં લોન્ચ કરશે ચંદ્રયાન-3, પૂર્વ ચીફ ડો. સિવને કહ્યું- આ વખતે…
આ પણ વાંચો :અનિલ અંબાણીએ આર-ઇન્ફ્રા અને રિલાયન્સ પાવરના ડિરેક્ટર પદેથી આપ્યું રાજીનામું
