દિલ્હી લિકર પોલિસી કેસ (Delhi Liquor Policy) માં CBI દ્વારા ધરપકડ કરાયેલા મનીષ સિસોદિયા (Manish Sisodia) ના રિમાન્ડ આજે પૂરા થઈ રહ્યા છે. CBI એ સિસોદિયાની પાંચ દિવસ સુધી પૂછપરછ કરી. આજે CBI તેમને દિલ્હીની રાઉઝ એવન્યુ કોર્ટમાં રજૂ કરશે.
આજે નક્કી થશે કે સિસોદિયાને રાહત મળે છે કે પછી તેમને લાંબા સમય સુધી જેલમાં રહેવું પડશે. CBI દ્વારા 26 ફેબ્રુઆરીએ સિસોદિયાની ધરપકડ કરવામાં આવી હતી. તેને 27 ફેબ્રુઆરીએ કોર્ટમાં રજૂ કરવામાં આવ્યો હતો. કોર્ટે સિસોદિયાને પાંચ દિવસ માટે CBI કસ્ટડીમાં મોકલી દીધા હતા.
સિસોદિયા વતી કોર્ટમાં જામીન અરજી આપવામાં આવી છે. આજે બપોરે 2 વાગ્યે તેમને સ્પેશિયલ કોર્ટમાં રજૂ કરવામાં આવશે. માનવામાં આવે છે કે CBI તેમને વધુ રિમાન્ડ આપવાની માંગ કરી શકે છે. અગાઉ સિસોદિયા તેમની ધરપકડ સામે સુપ્રીમ કોર્ટમાં ગયા હતા. સુપ્રીમ કોર્ટે તેમને રાહત આપી ન હતી અને તેમને પહેલા હાઈકોર્ટનો સંપર્ક કરવા કહ્યું હતું. સુપ્રીમ કોર્ટમાંથી રાહત ન મળતા સિસોદિયાએ દિલ્હી સરકારની કેબિનેટમાંથી રાજીનામું આપી દીધું હતું.
દિલ્હી સરકારે 17 નવેમ્બર 2021ના રોજ નવી આબકારી નીતિ લાગુ કરી હતી. તે સમયે મનીષ સિસોદિયા પણ આબકારી મંત્રી હતા. સિસોદિયા પર નવી એક્સાઈઝ પોલિસી દ્વારા પોતાના નજીકના દારૂના વેપારીઓની તરફેણ કરવાનો અને તેના બદલામાં લાંચ લેવાનો આરોપ છે. 22 જુલાઈ, 2022ના રોજ દિલ્હીના લેફ્ટનન્ટ ગવર્નર વીકે સક્સેનાએ મુખ્ય સચિવના રિપોર્ટના આધારે સિસોદિયા પર ભ્રષ્ટાચારના આરોપો લગાવ્યા અને તપાસ માટે સીબીઆઈને પત્ર લખ્યો. 17 ઓગસ્ટ, 2022ના રોજ, સીબીઆઈએ નવી આબકારી નીતિ (2021-22)માં છેતરપિંડી અને લાંચ લેવાના આરોપસર મનીષ સિસોદિયા સહિત 15 લોકો સામે કેસ નોંધ્યો હતો.
આ પણ વાંચો:મિડલ ક્લાસ રોકાણકારોના ભોગે નાણા કોણે બનાવ્યા, હિન્ડનબર્ગની તપાસ કરોઃ હરીશ સાલ્વે
આ પણ વાંચો:સોશિયલ મીડિયાના જમાનામાં સત્યનો ભોગ લેવાયો છેઃ ચંદ્રચુડસિંહ
આ પણ વાંચો:વિરાટ કોહલી અને અનુષ્કા શર્માએ હવે ઉજ્જૈનમાં મહાકાલના દ્વાર પર ભસ્મ આરતીમાં ભાગ લીધો
આ પણ વાંચો:યુવતીને મેકઅપ લગાવતા ચેહરા પર થઇ આડઅસર હોસ્પિટલમાં દાખલ કરાઇ,લગ્ન થયા મોકૂફ
