નવી દિલ્હી,
દુનિયાની સૌથી મોટી સેનાઓમાં શામેલ એવી ભારતીય સેનામાં થનારા મોટા ફેરફારને લઇ એક મેગા પ્લાન બનાવવામાં આવ્યો છે, અને આ પ્લાનને મંજુરી પણ આપવામાં આવી છે.
ભારતીય સેનાના ટોપ કમાંડરોને લઈ એક મહત્વનું પગલું ઉઠાવતા ઓફિસર કેડરમાં નવીનીકરણ કરવામાં આવી રહ્યું છે. આ પ્લાન હેઠળ મ માત્ર વર્ષો જુના કમાંડર્સને ખતમ કરવામાં આવશે, પરંતુ સેનાને યોગ્ય આકાર પણ આપવામાં આવશે. આ ઉપરાંત વધી રહેલા ખર્ચાઓ પર પણ લગામ લગાવવામાં આવશે.
સેનાન અધિકારીઓએ જણાવ્યું હતું કે, આર્મી કમાન્ડર્સ કોન્ફરન્સ (ACC)માં પ્રમુખ નીતિગત વિચારો અને ઓપરેશનલ મુદ્દાઓને ધ્યાનમાં રાખીને જ આ પ્લાનને મંજૂરી આપવામાં આવી છે.
સેના સાથે જોડાયેલા સૂત્રો દ્વારા મળતી માહિતી મુજબ, ભારતીય સેનાના આ ફેરફારોને ચરણબદ્ધ રીતે જ લાગુ કરવામાં આવશે. આ તમામ મુદ્દાઓ પર ૩૬૦ ડિગ્રી મૂલ્યાંકન કરવામાં આવશે અને જરૂરત પડે તો એમાં સંશોધન પણ કરવામાં આવશે.
આ ઉપરાંત સેના દ્વારા સુરક્ષાબળોની કાર્યક્ષમતા વધારવા, બજેટ ખર્ચ ઓછો કરવા, આધુનીકરણ તેમજ આંકાક્ષાઓ પે ધ્યાન આપીને આ તમામ ઉદ્દેશો પર અધ્યયન કરવામાં આવ્યું હતું.
