Porbandar Dildhadak Rescue: ભારતીય સેનાના જવાનો હંમેશા મદદ માટે તૈયાર હોય છે. પોરબંદરના દરિયાકાંઠે 50 કિલોમીટર દૂર અરબી સમુદ્રમાં ભારતીય માછીમારી બોટ જય ભોલેના 5 ગુમ અને 2 ઘાયલ ક્રૂ મેમ્બર્સને ભારતીય કોસ્ટ ગાર્ડ દ્વારા બચાવી લેવામાં આવ્યા છે.
કોસ્ટગાર્ડના મેરીટાઇમ રેસ્ક્યુ સબ સેન્ટર પોરબંદરને બાતમી મળી હતી કે દરિયામાં જય ભોલે નામની ફિશીંગ બોટમાં આગ લાગી છે. આ બોટ પોરબંદરના દરિયાકાંઠાથી 50 કિલોમીટર દૂર હતી. માહિતી મળતાની સાથે જ, કોસ્ટ ગાર્ડની પોરબંદર જિલ્લા કચેરીએ માહિતીની આપ-લે કરી અને તેના ઇન્ટરસેપ્ટર વર્ગના જહાજો C-161 અને C-156ને સ્થળ પર રવાના કર્યા. સાત ક્રૂમાંથી બેને નજીકમાં ચાલતી નાની બોટ દ્વારા બચાવી લેવામાં આવ્યા હતા અને અન્ય પાંચ ગુમ હતા. આ પછી, કોસ્ટ ગાર્ડે ભારે દરિયાઈ પવન વચ્ચે બે કલાકની જહેમત બાદ ગુમ થયેલા પાંચ લોકોને હેલિકોપ્ટર દ્વારા એરલિફ્ટ કર્યા હતા. પાંચેય ટીમને બપોરે 1 કલાકે પોરબંદર લાવવામાં આવી હતી.
કોસ્ટ ગાર્ડે બચાવેલા બે ક્રૂમાંથી એક ગંભીર રીતે ઘાયલ જોવા મળ્યો હતો. ઘાયલ ક્રૂને ICG જહાજ C-161માં લઈ જવામાં આવ્યા હતા. ICG ટીમ દ્વારા દરિયામાં પ્રાથમિક તબીબી સારવાર બાદ ક્રૂને વધુ સારવાર માટે પોરબંદર લાવવામાં આવ્યો હતો. નોંધનીય છે કે ભારતીય કોસ્ટ ગાર્ડે છેલ્લા 8 મહિનામાં ગુજરાતના દરિયામાં 60 લોકોના જીવ બચાવ્યા છે.
આ પણ વાંચો: Cricket/અકસ્માત બાદ પ્રથમવાર ઋષભ પંતની પ્રતિક્રિયા આવી સામે, માન્યો બધાનો આભાર
આ પણ વાંચો: National Executive meeting/ભાજપની રાષ્ટ્રીય કાર્યકારિણીની બેઠકમાં 2024નો પ્લાન, જીતવા માટે કરવું પડશે આ કામ
આ પણ વાંચો: Cricket/સુનીલ ગાવસ્કરની ભવિષ્યવાણીથી સનસનાટી, આ ખેલાડી તોડશે સચિન તેંડુલકરનો રેકોર્ડ
