કોંગ્રેસના નેતા રાહુલ ગાંધી (Rahul Gandhi) એ સોમવારે શ્રીનગરમાં ‘ભારત જોડો યાત્રા’ (Bharat Jodo Yatra) ના કેમ્પ સાઈટ પર રાષ્ટ્રધ્વજ ફરકાવ્યો અને પછી તેમની બહેન અને પાર્ટીના મહાસચિવ પ્રિયંકા ગાંધી વાડ્રા (Priyanka Gandhi Vadra) સાથે મજેદાર ‘સ્નોબોલ ફાઈટ’ કરી. સફેદ ટી-શર્ટ અને સ્લીવલેસ જેકેટ પહેરેલા રાહુલ ગાંધીએ રાષ્ટ્રગીત વચ્ચે શહેરમાં તાજી હિમવર્ષા વચ્ચે પાંથા ચોક ખાતે શિબિર સ્થળ પર રાષ્ટ્રધ્વજ ફરકાવ્યો હતો.
આ પ્રસંગે સંક્ષિપ્ત સંબોધનમાં રાહુલે 135 દિવસની પદયાત્રા દરમિયાન ‘ભારત યાત્રીઓ’ દ્વારા દર્શાવવામાં આવેલા પ્રેમ, સ્નેહ અને સમર્થન માટે આભાર માન્યો હતો. ‘ભારત જોડો યાત્રા’ ગયા વર્ષે 7 સપ્ટેમ્બરે તમિલનાડુના કન્યાકુમારીથી શરૂ થઈ હતી. કેમ્પ સાઈટ પર ધ્વજ ફરકાવ્યા બાદ રાહુલ અને પ્રિયંકા મૌલાના આઝાદ રોડ પર પીસીસી ઓફિસ પહોંચ્યા, જ્યાં પાર્ટી અધ્યક્ષ મલ્લિકાર્જુને મોટી સંખ્યામાં હાજર રહેલા નેતાઓ અને સમર્થકો વચ્ચે તિરંગો ફરકાવ્યો. આ પછી, ત્યાં રાષ્ટ્રગીત વગાડવામાં આવ્યું.
આ કાર્યક્રમ માટે સ્થાનિક વહીવટીતંત્ર દ્વારા ચુસ્ત બંદોબસ્ત ગોઠવવામાં આવ્યો હતો. લાલ ચોક ખાતે સતત બીજા દિવસે વાહનોની અવરજવર પર પ્રતિબંધ મુકવામાં આવ્યો હતો. હજારો ઓફિસ જનારાઓએ લાલ ચોક અને આસપાસના વિસ્તારોમાં તેમના કામના સ્થળોએ પહોંચવા માટે લગભગ એક કિલોમીટર કે તેથી વધુનું અંતર ચાલવું પડ્યું હતું. રવિવારે રાહુલે 7 સપ્ટેમ્બરે શરૂ થયેલી ‘ભારત જોડો યાત્રા’ માટે તેમની પદયાત્રાના સમાપન પ્રસંગે લાલ ચોકના ઐતિહાસિક ઘડિયાળ ટાવર પર રાષ્ટ્રધ્વજ ફરકાવ્યો હતો.
આ પણ વાંચો:આ છે ટીમ ઈન્ડિયાના 15 યોદ્ધાઓ જેણે જીત્યો વર્લ્ડ કપ
આ પણ વાંચો:અદાણી જૂથનો હિન્ડનબર્ગ પર વળતો પ્રહારઃ અહેવાલને નકલી ગણાવ્યો