22મી કોમનવેલ્થ ગેમ્સનો ઉદ્ઘાટન સમારોહ બર્મિંગહામમાં શરૂ થશે. 72 દેશોના 5000 થી વધુ એથ્લેટ 20 વિવિધ રમત સ્પર્ધાઓમાં મેડલ માટે સ્પર્ધા કરશે. બર્મિંગહામ પ્રથમ વખત તેનું આયોજન કરી રહ્યું છે. ભારતે 18મી વખત આ ગેમ્સમાં પ્રવેશ કર્યો છે.
આ વખતે કોમનવેલ્થ ગેમ્સમાં કંઈક નવું થશે. પ્રથમ વખત આવી કોઈ ઈવેન્ટમાં મહિલાઓ પુરૂષો કરતા વધુ ગોલ્ડ મેડલ મેળવશે. આ વખતે 11 દિવસીય કોમનવેલ્થ ગેમ્સમાં મહિલાઓને 136 ગોલ્ડ મેડલ મળશે, જ્યારે પુરુષોને 134 ગોલ્ડ મેડલ મળશે. મિશ્ર ઈવેન્ટ્સમાં કુલ 10 ગોલ્ડ મેડલ દાવ પર રહેશે.
આવી મલ્ટી સ્પોર્ટ ઈવેન્ટમાં પ્રથમ વખત મહિલાઓને પુરૂષો કરતા વધુ ગોલ્ડ મેડલ જીતવાની તક મળશે. આ વખતે કોમનવેલ્થ ગેમ્સનું આકર્ષણ મહિલા ક્રિકેટ પણ હશે, જેને પહેલીવાર આ ગેમ્સમાં સામેલ કરવામાં આવ્યું છે. વર્લ્ડ ચેમ્પિયન ઓસ્ટ્રેલિયાને ક્રિકેટમાં ગોલ્ડ મેડલ માટે પ્રબળ દાવેદાર માનવામાં આવે છે. ભારત પણ દાવેદારોમાં સામેલ છે. ભારતીય ટીમ ગત T20 વર્લ્ડ કપમાં રનર્સઅપ રહી હતી.
વડાપ્રધાન નરેન્દ્ર મોદીએ ભારતીય ખેલાડીઓને શુભેચ્છા પાઠવી છે. તેમણે ટ્વીટ કર્યું, “બર્મિંગહામમાં 2022 કોમનવેલ્થ ગેમ્સની શરૂઆત પર ભારતીય ટીમોને અભિનંદન. મને ખાતરી છે કે અમારા એથ્લેટ્સ તેમનું શ્રેષ્ઠ પ્રદર્શન કરશે અને તેમના શાનદાર પ્રદર્શનથી ભારતના લોકોને પ્રેરણા આપતા રહેશે.
Best wishes to the Indian contingent at the start of the 2022 CWG in Birmingham. I am confident our athletes will give their best and keep inspiring the people of India through their stupendous sporting performances.
— Narendra Modi (@narendramodi) July 28, 2022