Lifestyle: જો તમારી સ્કિનને ગ્લોઇંગ બનાવવા માગતા હો તો તમે પણ સંતરાની છાલનો ઉપયોગ કરીને ફેસપેક (Orange Peel Face Pack) બનાવી શકો છો.

શું તમને પણ લાગે છે કે સંતરાના છોતરા નકામા છે? જો હા, તો તમારી આ ગેરસમજણને પૂર્ણ રીતે દૂર કરવાની આવશ્યકતા છે. સંતરાના પોષક તત્વોથી ભરપૂર સંતરાની છાલ તમારી ત્વચા માટે ઘણા અત્યંત ફાયદાકારક (Beneficial for Skin) સાબિત થઇ શકે છે. જો તમારી સ્કિનને ગ્લોઇંગ બનાવવા માગતા હો તો તમે પણ સંતરાની છાલનો ઉપયોગ કરીને ફેસપેક બનાવી શકો છો. આ ફેસ પેકને અઠવાડિયામાં 1 થી 2 વાર યુઝ કરી શકાય છે.

શી રીતે બનાવશો સંતરાની છાલનો ફેસ પેક? (How to Make Orange Peel Face Pack)

સૌપ્રથમ તમારે સંતરાની છાલને તડકા (Sunlight)માં રાખવાની રહેશે. ત્યાર બાદ, જ્યારે એ સારી રીતે સૂકાઇ જાય ત્યારે એ સૂકાયેલી છાલને મિક્સરમાં ઉમેરો અને વાટી લઇને બારીક પાવડર બનાવી લો. હવે એક વાડકામાં ફક્ત 3 વસ્તુઓ…સંતરાની છાલનો પાવડર, મધ અને દહીં (Orange peel powder, Honey and Curd) મિક્સ કરવાથી એક સ્મૂધ પેસ્ટ તૈયાર કરી લો. તમારો સંતરાની છાલનો ફેસ પેક તૈયાર થઇ જશે.

વાપરવાની પદ્ધતિ

તમારે આ પેસ્ટને એક ફેસ પેકની જેમ તમારા આખા ચહેરા પર અને ગરદન પર લગાવી લેવી. વધુ સારા પરિણામો મેળવવા માટે આશરે 15 મિનિટ સુધી આ પૅકને તમારી ત્વચા પર લગાવી લો. 15 મિનિટ બાદ તમે ફેસને વોશ કરી શકો છો.

જો કે, આખા ચહેરા પર લગાવતા પહેલા તમારે પૅચ ટેસ્ટ કરવાનું ભૂલવું ન જોઇએ જેથી તમારી ત્વચાને એનાથી કોઇ એલર્જી કે આડઅસર (Allergy or Side effects) નથી થતી એ સાબિત થઇ શકે!

ત્વચા માટે વરદાન

સંતરાની છાલમાંથી બનતો આ કુદરતી ફેસ પેક તમારી ત્વચા માટે કોઇ વરદાનથી કમ નથી! ગ્લોઇંગ સ્કિન (Glowing Skin) માટે આ રીતે સંતરાની છાલનો ઉપયોગ કરી શકાય છે. નિસ્તેજ ત્વચાને ઝગમગતી બનાવવા માટે અથવા ટેનિંગ (Tanning)થી છૂટકારો મેળવવા માટે તમે આ ફેસ પેકનો ઉપયોગ અવશ્ય કરી શકો છો. એમાં રહેલા પોષક તત્વો તમારી સ્કિનને ટાઇટ બનાવી રાખવા (Skin Tightening)માં મદદગાર સાબિત થાય છે.

Disclaimer: આ લેખની માહિતી નિષ્ણાત દ્વારા સૂચવેલી કેવળ સામાન્ય જાણકારી છે. સ્વાસ્થ્યને લગતી કોઈ પણ સમસ્યા અંગે તબીબી સલાહ અવશ્ય લેવી.

આ પણ વાંચો: અઠવાડિયામાં કેટલી વાર સાબુથી નહાવું જોઇએ? દરરોજ નહાવાથી સ્કિન થશે ખરાબ…!

આ પણ વાંચો: હળદરનો ફેસપૅક ત્વચાને બનાવશે ગ્લોઇંગ…માત્ર 3 વસ્તુઓથી બની જશે!

આ પણ વાંચો: શું તમારી ત્વચા સંવેદનશીલ અને શુષ્ક છે? સાવધાની સહિત લગાવો ચોખાના લોટનો ફેસપૅક…