Pakistan new Russian move: પોતાના દેશને ગરીબીથી બચાવવા માટે સંઘર્ષ કરી રહેલા પાકિસ્તાનની એક નવી ચાલ સામે આવી છે. એક તરફ તે પોતાની ડૂબતી અર્થવ્યવસ્થાને બચાવવા માટે રશિયા પાસેથી સસ્તું તેલ ખરીદવાનો પ્રયાસ કરી રહ્યો છે. તો યુક્રેનને તેના દેશમાંથી હથિયારોની સપ્લાય કરવામાં આવી રહી છે, જે રશિયન નાગરિકો અને સૈનિકોના મૃત્યુનું કારણ બની રહી છે. જિયો પોલિટિક્સના રિપોર્ટમાં આ દાવો કરવામાં આવ્યો છે. જણાવી દઈએ કે 20 જાન્યુઆરીએ પાકિસ્તાન અને રશિયા વચ્ચે આર્થિક, વૈજ્ઞાનિક અને ટેકનિકલ સહયોગને લઈને એક બેઠક યોજાઈ હતી. માર્ચના અંત સુધીમાં રશિયા પાસેથી સસ્તું તેલ ખરીદવાની ડીલ અંગે પણ વાત કરવામાં આવી છે.
જિયોપોલિટિક્સે પોતાના સમાચારમાં દાવો કર્યો છે કે પાકિસ્તાન યુક્રેન સહિત વિવિધ દેશોને હથિયારોની સપ્લાય કરીને પૈસા કમાઈ રહ્યું છે. આ સમાચાર અનુસાર, હથિયારોની આ સપ્લાય કેસ્ટ્રેલ નામની કંપની દ્વારા કરવામાં આવી રહી છે. અહેવાલ છે કે કેસ્ટ્રેલના સીઈઓ લિયાકત અલી બેગ મે અને જૂન 2022માં પોલેન્ડ રોમાનિયા અને સ્લોવાકિયા ગયા હતા. એવું માનવામાં આવે છે કે ઇસ્લામાબાદ દ્વારા યુક્રેનને હથિયારોની સપ્લાય કરવામાં આવી રહી છે. બદલામાં પાકિસ્તાન TV3-117VM એન્જિનની સર્વિસિંગ અને રિપેરિંગમાં યુક્રેન પાસેથી મદદ લઈ રહ્યું છે. આ એન્જિનનો ઉપયોગ Mi-17 હેલિકોપ્ટરમાં થાય છે.
નોંધપાત્ર વાત એ છે કે આર્થિક સંકટનો સામનો કરી રહેલું પાકિસ્તાન પોતાની અર્થવ્યવસ્થાને બચાવવા માટે દરેક જરૂરી પગલાં લઈ રહ્યું છે. આ અંતર્ગત રશિયા પાસેથી સસ્તું તેલ ખરીદવાની તેમની ડીલ ચાલી રહી છે. આ સંબંધમાં પાકિસ્તાનના આર્થિક બાબતોના મંત્રી સરદાર અયાઝ સાદિગ અને રશિયાના ઉર્જા મંત્રી નિકોલ શુગ્લિનોવ વચ્ચે વાતચીત થઈ છે. આ દરમિયાન, રશિયન વેપારી સમુદાયનું 80 સભ્યોનું પ્રતિનિધિમંડળ પણ હાજર હતું. આ પછી, બંને દેશો તરફથી એક સંયુક્ત નિવેદન પણ બહાર પાડવામાં આવ્યું હતું, જેમાં આ વર્ષે સુરક્ષા સહયોગની ડીલને અંતિમ સ્વરૂપ આપવાની વાત કરવામાં આવી હતી. જો કે આ પહેલીવાર નથી કે જ્યારે પાકિસ્તાને રશિયા સામે આવું વલણ અપનાવ્યું હોય. રિપોર્ટ અનુસાર અગાઉ 1980ના દાયકામાં પાકિસ્તાને અફઘાનિસ્તાનમાં ચાલી રહેલા યુદ્ધમાં અમેરિકાની મદદ કરી હતી. પાકિસ્તાનમાં તાલીમ મેળવ્યા બાદ હથિયારોથી સજ્જ આ લડવૈયાઓ રશિયન સેના માટે મૃત્યુની ઘૂંટણી સમાન સાબિત થયા. આમાં લગભગ 15,000 રશિયન સૈનિકો માર્યા ગયા હતા.
આ પણ વાંચો: Cricket/કપ્તાનીમાં પીસાઈ રહ્યો છે રોહિત શર્મા, નાગપુર ટેસ્ટ બાદ થયો ખુલાસો
