મોદી સરનેમના મામલામાં રાહુલ ગાંધીને સુપ્રીમ કોર્ટમાંથી મોટી રાહત મળી છે. સુપ્રીમ કોર્ટે આ મામલે સુનાવણી કરતા રાહુલ ગાંધીની તરફેણમાં ચુકાદો આપ્યો હતો અને સજા પર હાલ પૂરતો સ્ટે આપ્યો હતો. ઉલ્લેખનીય છે કે, મોદી સરનેમ માનહાનિ કેસમાં સુનાવણી બાદ ગુજરાતની સુરત કોર્ટે તેમને સજા સંભળાવી હતી. આ પછી રાહુલ ગાંધીનું સંસદ સભ્યપદ ખતમ થઈ ગયું. રાહુલ ગાંધીની તરફેણમાં ચુકાદો આવ્યા બાદ કોંગ્રેસના નેતાઓ અને કાર્યકરોમાં ખુશીની લહેર જોવા મળી રહી છે. કોંગ્રેસના કાર્યકર્તાઓ મોટી સંખ્યામાં કોંગ્રેસ મુખ્યાલય પહોંચી રહ્યા છે.
રાહુલ ગાંધીને રાહત મળતા પ્રિયંકા ગાંધીએ કર્યું ટ્વિટ
રાહુલ ગાંધીને સુપ્રીમ કોર્ટમાંથી રાહત મળ્યા બાદ ખુશી વ્યક્ત કરતા પ્રિયંકા ગાંધીએ ટ્વીટ કર્યું, ‘ગૌતમ બુદ્ધે કહ્યું છે કે ત્રણ વસ્તુઓ છુપાવી શકાતી નથી. સૂર્ય, ચંદ્ર અને સત્ય. ન્યાયી નિર્ણય આપવા બદલ માનનીય સુપ્રીમ કોર્ટનો આભાર. સત્યમેવ જયતે. રાહુલ ગાંધીની તરફેણમાં આવેલા ચુકાદા અંગે સચિન પાયલટે કહ્યું કે તેઓ કોર્ટના નિર્ણયનું સ્વાગત કરે છે. કોર્ટે સાબિત કરી દીધું છે કે તેમનાથી મોટું કોઈ નથી. સુપ્રીમ કોર્ટે આ નિર્ણય આપીને લોકશાહીનો અવાજ મજબૂત કર્યો છે. વિપક્ષી ગઠબંધનનો ઉલ્લેખ કરતા તેમણે લખ્યું છે કે I.N.D.I.A.નો અવાજ ફરી સંસદમાં ગુંજશે.
રણદીપ સુરજેવાલાએ શું કહ્યું?
આ અંગે ખુશી વ્યક્ત કરતાં અધીર રંજન ચૌધરીએ કહ્યું કે, ‘રાહુલ ગાંધી વિરુદ્ધ રચવામાં આવેલું ષડયંત્ર નિષ્ફળ ગયું છે. તેમની આ જીત ભાજપને ભારે પડશે. તેમણે કહ્યું, ‘આજે (શુક્રવારે) તેઓ લોકસભા સ્પીકરને પત્ર લખશે અને તેમને મળશે. રાજસ્થાનના મુખ્યમંત્રી અશોક ગેહલોતે ટ્વીટ કરીને કહ્યું કે, રાહુલ ગાંધી સામે માનહાનિના કેસમાં સજા પર સ્ટે આપવાનો સુપ્રીમ કોર્ટનો નિર્ણય આવકાર્ય છે. આ સત્ય અને ન્યાયની જીત છે. કોંગ્રેસના નેતા રણદીપ સુરજેવાલાએ આ અંગે ટ્વિટ કરીને લખ્યું, ‘ભારતને અભિનંદન! આજે ન્યાયના દરવાજે સત્યની શક્તિથી કરોડો દેશવાસીઓની ભાવનાઓ અને આશાઓની જીત થઈ છે. દેશના અવાજ તરીકે સતત ગુંજી રહેલા રાહુલ ગાંધી ફરી એકવાર સંસદમાં સત્યને ઉઠાવશે.
આ પણ વાંચોઃ France Riots/ આ શું બોલ્યા ફ્રાન્સના રાષ્ટ્રપતિ! મેક્રોને રમખાણો માટે સિંગલ પેરેન્ટ્સના બાળકોને ઠેરવ્યા હતા જવાબદાર
આ પણ વાંચોઃ Income Tax Raids/ દેશના બે મોટા કોન્ટ્રાક્ટર ગ્રુપ કલ્પતરુ અને JMC ગ્રુપ પર ઈન્ક્મટેક્ષના દરોડા
આ પણ વાંચોઃ Illegal Construction/ ભાવનગરમાં ગેરકાયદેસર દબાણ દૂર કરવા ઝુંબેશઃ અનેક મોટી સોસાયટીઓને નોટિસ
આ પણ વાંચોઃ Smart Village/ ગુજરાતના સરહદી જિલ્લા કચ્છનું સ્માર્ટ ગામ ‘ભીમાસર’
આ પણ વાંચોઃ OMG!/ 48 કલાકમાં પૃથ્વી પર આવી શકે છે સૌર તોફાન, જો આવું થાય તો…
