Punjab News: પંજાબના મુખ્યમંત્રી ભગવંત માનના ઘરે કિલકારીઓ ગુંજી છે. તેમની પત્ની ડો.ગુરપ્રીત કૌરે ગુરુવારે એક પુત્રીને જન્મ આપ્યો છે. સીએમ ભગવંત માને પોતે સોશિયલ મીડિયા પ્લેટફોર્મ X દ્વારા આ માહિતી આપી છે. સીએમ ભગવંત માને પોતાની પોસ્ટમાં લખ્યું કે, ભગવાને મને દીકરીના રૂપમાં ભેટ આપી છે. માતા અને બાળક બંને સ્વસ્થ છે.
કેનેડામાં રહે છે પ્રથમ પત્ની અને બે બાળકો
સીએમ માન 50 વર્ષની ઉંમરમાં ત્રીજી વખત પિતા બન્યા છે. તેમને તેમની પ્રથમ પત્નીથી 2 બાળકો છે. તેમની પહેલી પત્ની ઈન્દ્રપ્રીત કૌર અને બંને બાળકો કેનેડામાં રહે છે. પૂર્વ દંપતીએ 2015માં છૂટાછેડા લીધા હતા. તે જ સમયે, સોશિયલ મીડિયા પર ભગવંત માનને પિતા બનવા પર અભિનંદન પાઠવી રહ્યા છે.
26 જાન્યુઆરીએ લુધિયાણામાં આયોજિત એક સત્તાવાર કાર્યક્રમમાં માહિતી આપતાં ભગવંત માને પોતે કહ્યું હતું કે માર્ચ મહિના સુધી તેમના ઘરે ખુશીઓ આવવાની છે. લુધિયાણામાં આયોજિત રાજ્ય સ્તરના કાર્યક્રમમાં પોતાની અંગત ખુશીઓ શેર કરતા સીએમ માનએ કહ્યું કે માર્ચમાં મારા ઘરે ખુશીઓ આવવાની છે. તેમણે કહ્યું હતું કે, પત્ની 7 મહિનાની ગર્ભવતી છે. હું કહેવા માગુ છું કે અમને ખબર નથી કે અમને છોકરો હશે કે છોકરી. જે આવે તે સ્વસ્થ આવવું જોઈએ. આ પ્રાર્થના છે. દરેક વ્યક્તિએ આ પ્રાર્થના કરવી જોઈએ.
જણાવી દઈએ કે સીએમ ભગવંત માને 7 જુલાઈ 2022ના રોજ ડો. ગુરપ્રીત કૌર સાથે બીજા લગ્ન કર્યા હતા. બંનેની ઉંમરમાં 16 વર્ષનો તફાવત છે. લગ્ન સમારોહ ખૂબ જ સાદગીપૂર્ણ રાખવામાં આવ્યો હતો જેમાં દિલ્હીના મુખ્યમંત્રી અરવિંદ કેજરીવાલ, AAP સાંસદ રાઘવ ચઢ્ઢા સહિત પાર્ટીના ઘણા નેતાઓએ હાજરી આપી હતી.
