રાજધાની દિલ્હીના વિકાસ કાર્યોમાં અવરોધ બની રહેલા અતિક્રમણ દ્વારા બનેલા ધાર્મિક સ્થળો પર સતત કાર્યવાહી ચાલી રહી છે. ભજનપુરાની સમાધિ અને હનુમાન મંદિર પર બુલડોઝરની કાર્યવાહી બાદ હવે દિલ્હીની બંને બાજુની મસ્જિદો પર બુલડોઝર ચલાવવાની તૈયારી ચાલી રહી છે.આ નોટિસમાં રેલવેએ લખ્યું છે કે તે તેમની જમીન પર બનેલ છે. હવે આ મામલે દિલ્હી વક્ફ બોર્ડે પોતાનો જવાબ આપ્યો છે. વક્ફ બોર્ડે કહ્યું કે મસ્જિદની જમીન કરાર હેઠળ વર્ષ 1945માં કાયદેસર રીતે ટ્રાન્સફર કરવામાં આવી હતી.
મળતી માહિતી મુજબ, ઉત્તર રેલવેએ રેલવે ટ્રેક પર થયેલા ગેરકાયદેસર અતિક્રમણને હટાવવા માટે નોટિસ મોકલી છે. આ નોટિસમાં રેલવેની જમીન પર બનેલા મંદિર, મસ્જિદ અને અન્ય બાંધકામોને 15 દિવસની અંદર હટાવવા માટે કહેવામાં આવ્યું છે. તેમાં બે મસ્જિદોનો પણ સમાવેશ થાય છે. દિલ્હીની જે બે મસ્જિદોને રેલવે દ્વારા નોટિસ મોકલવામાં આવી છે તેના નામ બંગાળી માર્કેટ મસ્જિદ અને ટાકિયા બબ્બર શાહ મસ્જિદ છે.
રેલવેના મુખ્ય પ્રવક્તા દીપક કુમારે કહ્યું કે રેલવેની જમીન પર ગેરકાયદેસર અતિક્રમણ દૂર કરવું પડશે. આ માટે ઉત્તર રેલવે દ્વારા 15 દિવસમાં જમીન ખાલી કરવા નોટિસ આપવામાં આવી છે. તે મંદિર, મસ્જિદ, મઝાર અથવા અન્ય કોઈ ઇમારત હોઈ શકે છે. જો તેમને 15 દિવસની અંદર ખાલી કરવામાં નહીં આવે તો રેલવે પોતે જ અતિક્રમણ દૂર કરશે.
દીપક કુમારે સ્પષ્ટતા કરી છે કે આ નોટિસ માત્ર મસ્જિદને મોકલવામાં આવી નથી. રેલવેની જમીન પર અતિક્રમણ કરનારા તમામને મોકલી દેવામાં આવી છે. જેમાં અનધિકૃત ઈમારતો, મંદિરો, મસ્જિદો અને મઝારોનો સમાવેશ થાય છે. રેલવેએ નોટિસ દ્વારા સ્પષ્ટ કર્યું છે કે જે લોકો અતિક્રમણ નહીં હટાવે તેમના નુકસાન માટે રેલવે જવાબદાર રહેશે નહીં.
આ પણ વાંચો:ઉત્તરાખંડમાં અનેક સ્થળોએ વાદળ ફાટ્યા, મોટાપાયે પૂર આવ્યા
આ પણ વાંચો:મણિપુરમાં ઈન્ટરનેટ શરૂ થતાંની સાથે જ આ ગેંગ થઈ ગઈ સક્રિય, પોલીસે બનાવ્યો ખાસ પ્લાન
આ પણ વાંચો:PM મોદી શનિવારે રોજગાર મેળામાં 70,000 યુવાનોને નિમણૂક પત્ર વિતરણ કરશે
આ પણ વાંચો:ઓડિશાના બાલાસોરમાં કેવી રીતે થઇ ટ્રેન દુર્ઘટના!, રેલવે મંત્રીએ બતાવ્યું સાચું કારણ…જાણો
