ચક્રવાત બિપરજોય 15 જૂને ગુજરાતના કચ્છ જિલ્લાના દરિયાકાંઠે ત્રાટકી શકે છે. તે જ સમયે, આ વાવાઝોડાએ ખૂબ જ ગંભીર સ્વરૂપ લીધું છે. તોફાનને જોતા કેન્દ્રીય ગૃહમંત્રી અમિત શાહે એક મહત્વપૂર્ણ ઉચ્ચ સ્તરીય બેઠક બોલાવી છે. અધિકારીઓ ઉપરાંત ગુજરાતના મુખ્યમંત્રી ભૂપેન્દ્ર પટેલ અને અસરગ્રસ્ત આઠ લોકસભા મતવિસ્તારના સાંસદો પણ બેઠકમાં હાજરી આપશે.
ચાલો જાણીએ સાયક્લોન બિપરજોય સાથે જોડાયેલી 10 મોટી વાતો
01. રાહત કાર્યમાં રોકાયેલા કર્મચારીઓ દ્વારા લગભગ 7,5000 લોકોને સુરક્ષિત સ્થળોએ ખસેડવામાં આવ્યા છે. આ ઉપરાંત કચ્છ-સૌરાષ્ટ્રના જિલ્લાઓમાં દરિયાકાંઠાથી 10 કિમીના અંતર સુધી આવેલા ગામડાઓમાંથી લોકોને બહાર કાઢવાની પ્રક્રિયા પણ શરૂ થઈ ગઈ છે.
02. હવામાન વિભાગના જણાવ્યા અનુસાર, 15 જૂન સુધીમાં ચક્રવાત બિપરજોય ગુજરાતના કચ્છ જિલ્લાના કિનારા સુધી પહોંચી શકે છે. કચ્છ, પોરબંદર, દેવભૂમિ દ્વારકા, જામનગર, જૂનાગઢ અને મોરબીના દરિયા કિનારે રહેતા લોકોને રાહત શિબિરોમાં ખસેડવામાં આવી રહ્યા છે.
03. ચક્રવાત બિપરજોયે હવે ખૂબ જ ગંભીર સ્વરૂપ ધારણ કર્યું છે. ચક્રવાત દરમિયાન 150 કિમીની ઝડપે પવન ફૂંકાઈ શકે છે. આર્મી, નેવી અને ભારતીય કોસ્ટ ગાર્ડને એલર્ટ મોડ પર રાખવામાં આવ્યા છે.
04. ચક્રવાત બિપરજોયને જોતા પોરબંદરના 31 ગામોના લગભગ 3,000 લોકો અને દેવભૂમિ દ્વારકાના લગભગ 1,500 લોકોને સુરક્ષિત સ્થળોએ ખસેડવામાં આવ્યા છે.
05. વડાપ્રધાન નરેન્દ્ર મોદીએ મંગળવારે સવારે ગુજરાતના મુખ્યમંત્રી ભૂપેન્દ્ર પટેલ સાથે ફોન પર વાત કરી અને પરિસ્થિતિનો તાગ મેળવ્યો. પીએમએ રાજ્યને તમામ શક્ય મદદની ખાતરી આપી.
06. અસરગ્રસ્ત જિલ્લાઓમાં ડઝનેક NDRF અને SDRF ટીમો તૈનાત કરવામાં આવી છે. આ ઉપરાંત અસરગ્રસ્તો માટે રહેવા, ભોજન અને દવાઓની પણ વ્યવસ્થા કરવામાં આવી છે.
07. ગુજરાતના કચ્છ જિલ્લાના દરિયાકાંઠાના વિસ્તારોમાં કલમ 144 લાગુ કરવામાં આવી છે અને 15 જૂન સુધી તમામ શાળા અને કોલેજો બંધ કરી દેવામાં આવી છે.
08. ચક્રવાત બિપરજોયના કારણે આજે 67 ટ્રેનો રદ કરવામાં આવી છે. ઘણી ટ્રેનો પણ મોડી ચાલી રહી છે અને રેલવેએ તેમના માટે વિશેષ માર્ગદર્શિકા જાહેર કરી છે.
09. તોફાનના કારણે મુંબઈના દરિયાકાંઠાના વિસ્તારોમાં એલર્ટ પણ જારી કરવામાં આવ્યું છે. મુંબઈમાં પણ ભારે વરસાદ થયો છે.
10. ચક્રવાત બિપરજોયની અસર પાકિસ્તાનમાં પણ પડશે. પાકિસ્તાન સરકારે સિંધ અને બલૂચિસ્તાનના અધિકારીઓને પણ સતર્ક રહેવાની સલાહ આપી છે.
આ પણ વાંચોઃ બિપરજોય/ પ્રચંડ ગતિથી આગળ વધતુ બિપરજોયઃ દરિયાકાંઠાના વિસ્તારો ખાલી કરાવાયા
આ પણ વાંચોઃ Cyclone Biporjoy/ સાયક્લોન બિપરજોય ગુજરાત માટે આટલો મોટો ખતરો કેમ, ગામડાઓ ખાલી કરવા સિવાય સરકારની શું છે તૈયારી?
આ પણ વાંચોઃ North Korea Suicide/ ઉત્તર કોરિયામાં વધી રહેલા આત્મહત્યા કેસ મામલે તાનાશાહ કિંમ જોગે જાહેર કર્યું આ ફરમાન,જાણો
આ પણ વાંચોઃ Maharashtra/ મુંબઈની જુહુ ચોપાટીમાં 5 છોકરાઓ ડૂબ્યા,એકને બચાવી લેવાયો,ચાર હજુપણ લાપતા
આ પણ વાંચોઃ Chandrayaan 3/ ISROના અધ્યક્ષે ચંદ્રયાન-3ના લોન્ચને લઇને કરી આ મોટી જાહેરાત
