ચીનના હાંગઝોઉમાં આયોજિત એશિયન ગેમ્સ 2023ના સાતમા દિવસે 30 સપ્ટેમ્બરે ભારતે ગોલ્ડ મેડલ જીત્યો છે. રોહન બોપન્ના અને રૂતુજા ભોસલેની જોડીએ મિક્સ ડબલ્સ ટેનિસમાં ગોલ્ડ જીત્યો હતો. ભારતીય જોડીએ ફાઈનલમાં તાઈપેની જોડીને 2-6, 6-3, 10-4થી પરાજય આપ્યો હતો.
અગાઉ સરબજોત સિંહ અને દિવ્યા થડીગોલની જોડીએ શૂટિંગમાં 10 મીટર એર પિસ્તોલ ટીમ ઈવેન્ટમાં સિલ્વર જીત્યો હતો. ભારતીય જોડીને ગોલ્ડ મેડલ મેચમાં ચીનના ઝાંગ બોવેન અને જિઆંગ રેનક્સિન સામે 14-16થી હારનો સામનો કરવો પડ્યો હતો.
બીજી તરફ મહિલા બોક્સર પ્રીતિ પવાર અને ઓલિમ્પિક મેડલ વિજેતા બોક્સર લોવલિના બોર્ગોહેને પોતપોતાની ક્વાર્ટર ફાઈનલ મેચો જીતીને સેમિફાઈનલમાં જગ્યા બનાવી અને પેરિસ ઓલિમ્પિક 2024ની ટિકિટ મેળવી.
વેઈટ લિફ્ટિંગમાં મીરાબાઈ ચાનુ મેડલ જીતવામાં ચૂકી ગઈ. ચાનુ મેડલની પ્રબળ દાવેદાર હતી, પરંતુ મહિલાઓની 49 કિગ્રા ક્લીન એન્ડ જર્કમાં બે પ્રયાસોમાં 117 કિગ્રા વજન ઉપાડવામાં નિષ્ફળ જતાં તે ચોથા સ્થાને રહી અને મેડલ જીતી શકી નહીં.
દિવસની અન્ય મેચોમાં, ભારત અને પાકિસ્તાન (IND vs PAK) ગોલ્ડ માટે એકબીજાનો સામનો કરશે. આ સિવાય એથ્લેટિક્સમાં પણ ભારતને ઘણા મેડલ મળવાની આશા છે. ભારત 9 ગોલ્ડ, 12 સિલ્વર અને 13 બ્રોન્ઝ સહિત કુલ 35 મેડલ જીતીને મેડલ ટેબલમાં ચોથા સ્થાને છે. ચીન 105 ગોલ્ડ, 63 સિલ્વર અને 32 બ્રોન્ઝ સહિત 200 મેડલ જીતીને ટોચ પર છે.
આ પણ વાંચો: US Saudi/ પેલેસ્ટાઈનનો રાગ આલાપવાનું બંધ કરી સાઉદી ‘નાટો’ જેવી ડીલ કરશે!
આ પણ વાંચો: KHALISTANI/ સ્કોટલેન્ડમાં ખાલિસ્તાનીઓ ભારતીય રાજદૂતને ગુરુદ્વારા જતા અટકાવ્યા
આ પણ વાંચો: જામનગર/ US પિઝાના આઉટલેટના પિઝામાંથી નીકળ્યો વંદો, જામનગરમાં આ બીજી ઘટના લોકોમાં રોષ
