Ishan Kishan ODI: બાંગ્લાદેશ સામે ડાબોડી ઓપનર ઈશાન કિશને ઈતિહાસ રચ્યો હતો. છેલ્લી વનડેમાં બેવડી સદી ફટકારી હતી. તે આ કારનામું કરનાર વિશ્વનો સાતમો અને ભારતનો ચોથો બેટ્સમેન બની ગયો છે. એકવાર સેટ થઈ ગયા પછી ઈશાન ખતરનાક ફોમમાં આવી જાય છે. તેણે 50 બોલમાં અડધી સદી, 85 બોલમાં સદી, 103 બોલમાં 150 રન કર્યા બાદ આ ઓપનરે 126 બોલમાં બેવડી સદી પૂરી કરી હતી. ઈશાન 131 બોલમાં 210 રન બનાવીને આઉટ થયો હતો.
210 રનની આ ઐતિહાસિક ઈનિંગમાં ઈશાન કિશને માત્ર ચોગ્ગા અને છગ્ગાની મદદથી 156 રન બનાવ્યા હતા. આ દરમિયાન ઈશાન કિશન એક પછી એક ઘણા રેકોર્ડ તોડતો રહ્યો. તેના નામે સૌથી ઓછા બોલમાં બેવડી સદીનો રેકોર્ડ નોંધાયો હતો. આટલું જ નહીં 24 વર્ષીય ઈશાન સૌથી નાની ઉંમરનો ડબલ સેન્ચુરિયન પણ બની ગયો છે. આ સિવાય ભારતીય બેટ્સમેન બાંગ્લાદેશ સામે સૌથી વધુ રન બનાવનાર બેટ્સમેન બની ગયો છે, આ પહેલા આ રેકોર્ડ વિસ્ફોટક વીરેન્દ્ર સેહવાગના નામે હતો જેણે 2011 વર્લ્ડ કપમાં મીરપુર મેદાન પર 175 રન બનાવ્યા હતા. ઈશાન કિશન પહેલા રોહિત શર્માએ વનડેમાં ત્રણ વખત બેવડી સદી ફટકારી છે. રોહિત સિવાય સચિન તેંડુલકર, વીરેન્દ્ર સેહવાગ, ક્રિસ ગેલ, માર્ટિન ગુપ્ટિલ અને ફખર ઝમાનના નામ પણ વનડે ક્રિકેટમાં બેવડી સદી છે. ક્રિકેટના ભગવાન કહેવાતા સચિન તેંડુલકરે 2010માં દક્ષિણ આફ્રિકા સામે આ ચમત્કાર કર્યો હતો. વીરેન્દ્ર સેહવાગ બીજા અને રોહિત શર્મા ત્રીજા નંબરે છે. ODI ક્રિકેટમાં છેલ્લી બેવડી સદી 2018 માં આવી હતી, જ્યારે પાકિસ્તાનના ફખર ઝમાને ઝિમ્બાબ્વે સામે અણનમ 210 રન બનાવ્યા હતા.
આ પણ વાંચો: Somnath Railway Station/ સોમનાથ રેલવે સ્ટેશનનો થશે કાયાકલ્પ, 157.4 કરોડ રૂપિયાના ખર્ચે થશે રિડેવલપમેન્ટ
