Smartphone Expiration Date: આજના સમયમાં સ્માર્ટફોન માત્ર વાતચીતનું સાધન નથી રહ્યો. બેન્કિંગ, ઓનલાઈન પેમેન્ટ, ઓફિસનું કામ, ખરીદી અને મનોરંજન સહિત અનેક કામ માટે લોકો ફોન પર નિર્ભર છે. તેથી નવો ફોન બજારમાં આવે એટલે જૂનો ફોન તરત બદલવો જરૂરી નથી. પરંતુ ફોન ક્યારે બદલવો જોઈએ, તે નક્કી કરવા માટે કેટલીક મહત્વની બાબતો ધ્યાનમાં રાખવી જરૂરી છે.
બેટરી ઝડપથી ખતમ થવા લાગે
જૂના ફોનમાં(Smartphone) બેટરીની ક્ષમતા ધીમે ધીમે ઘટતી જાય છે. જો ફોન પહેલાં કરતાં ઘણી ઝડપથી ડિસ્ચાર્જ થવા લાગે, તો આખો ફોન બદલવાની જરૂર નથી. ઘણી વખત માત્ર બેટરી બદલવાથી ફોન ફરી લાંબા સમય સુધી ઉપયોગ કરી શકાય છે.
સ્ક્રીન કે અન્ય પાર્ટ્સમાં ખામી
સ્ક્રીન તૂટી જવી, ચાર્જિંગ પોર્ટમાં સમસ્યા આવવી કે અન્ય કોઈ પાર્ટ ખરાબ થવો પણ ફોન બદલવાનું સીધું કારણ નથી. જો રિપેરિંગનો ખર્ચ નવો ફોન ખરીદવા કરતાં ઓછો હોય, તો પાર્ટ્સ બદલાવવાનો વિકલ્પ વધુ યોગ્ય બની શકે છે.
સિક્યોરિટી અપડેટ બંધ થઈ જાય
જૂના ફોનમાં(Smartphone) સૌથી ગંભીર સમસ્યા સોફ્ટવેર અપડેટની બની શકે છે. કંપની કોઈ મોડેલ માટે ઓપરેટિંગ સિસ્ટમ અથવા સિક્યોરિટી અપડેટ આપવાનું બંધ કરી દે, તો ફોનમાં રહેલી વ્યક્તિગત અને નાણાકીય માહિતીની સુરક્ષા માટે જોખમ વધી શકે છે. આવી સ્થિતિમાં ફોન બદલવાનો વિચાર કરવો યોગ્ય છે.
રિપ્લેસમેન્ટ પાર્ટ્સ મળતા ન હોય
ફોન (Smartphone) ઘણો જૂનો થઈ જાય ત્યારે તેની બેટરી, સ્ક્રીન અથવા અન્ય પાર્ટ્સ બજારમાં મળવા મુશ્કેલ બની શકે છે. પાર્ટ્સની અછતને કારણે રિપેરિંગ મોંઘું પડે અથવા શક્ય જ ન બને, ત્યારે નવો ફોન ખરીદવો વ્યવહારુ વિકલ્પ બની શકે છે.
Smartphoneની કોઈ નિશ્ચિત એક્સપાયરી નથી
સ્માર્ટફોન(Smartphone) માટે કોઈ એક નક્કી “એક્સપાયરી ડેટ” હોતી નથી. ફોન સારી રીતે કામ કરતો હોય અને તેને નિયમિત સિક્યોરિટી અપડેટ મળતા હોય, તો માત્ર નવું મોડેલ આવ્યું છે એટલા માટે ફોન બદલવાની જરૂર નથી. અંતે, ફોન બદલવાનો નિર્ણય તેની ઉંમર કરતાં વધુ તેની બેટરી, કામગીરી, સોફ્ટવેર સપોર્ટ અને રિપેરિંગની સ્થિતિ જોઈને લેવો જોઈએ.
આ પણ વાંચો: ભારતમાં વૉટ્સએપ એકાઉન્ટ અચાનક બ્લોક; જાણો કંપનીએ શું આપી સ્પષ્ટતા
આ પણ વાંચો: મોબાઈલ નંબર વગર કરો વાત! જાણો વોટ્સએપના નવા ફીચરના ફાયદા
આ પણ વાંચો: 12 વર્ષની બાળકી સાથે બળાત્કાર કેસમાં સ્નેપચેટ સામે અમેરિકામાં કેસ; શું સોશિયલ મીડિયા સુરક્ષિત છે?
