ભારતીય શેરબજારની શરૂઆત સારી ગતિ સાથે થઈ છે અને આઈટીસીના શેરમાં આજે ફરી તેજી જોવા મળી રહી છે. ટીસીએસ આઈટી શેરમાં તૂટ્યો છે. આ સાથે અપોલો હોસ્પિટલ અને ભારતી એરટેલમાં ઘટાડો જોવા મળી રહ્યો છે. જોકે, આજે બજાર ખુલતાની સાથે જ શરૂઆતની મિનિટોમાં જ તે લાલ નિશાનમાં સરકી ગયું હતું. HDFC, બજાજ ફાઇનાન્સ અને કોટક મહિન્દ્રા બેંક જેવી હેવીવેઇટ્સના પતનથી બજાર નીચે ખેંચાઈ ગયું છે.
શેરબજારની શરૂઆત થતા જ BSEve 30 શેરો વાળા ઈન્ડેક્સ સેન્સેક્સ 97.53 પોઈન્ટ (0.14 ટકા)ના વધારા સાથે 69,648 ના સ્તર પર ખુલ્યો હતો. એનએસઈનો 50 શેરનો બેન્ચમાર્ક ઈન્ડેક્સ નિફ્ટી 23.35 પોઈન્ટ (0.11 ટકા)ના વધારા સાથે 20,929 પર ખુલ્યો હતો.
બેંક નિફ્ટીએ આજે ઉછાળા સાથે શરૂઆત કરી હતી પરંતુ બજાર ખુલતાની સાથે જ તે લાલ નિશાનમાં સરકી ગયો હતો. ખુલ્યાના 15 મિનિટ બાદ જ બજાર 93 અંકોના ઘટાડા સાથે 47004 ના સ્તર પર કારોબાર કરી રહ્યું હતું. બેન્ક નિફ્ટીના 12 શેરોમાંથી 5 શેરમાં વધારા સાથે અને 7 શેરમાં ઘટાડો જોવા મળી રહ્યો છે.
BSE સેન્સેક્સના 30 શેરોમાંથી 17 શેરો ઉછાળા સાથે અને 13 શેરમાં ઘટાડો જોવા મળી રહ્યો છે. NTPC 2.43 ટકા અને અલ્ટ્રાટેક સિમેન્ટ 1.44 ટકા ઉપર છે. પાવર ગ્રીડમાં 1.43 ટકા અને M&Mમાં 1.07 ટકાનો વધારો નોંધાઈ રહ્યો છે. માર્કેટ ઓપનિંગ સમયે ITC 2 ટકાથી ઉપર હતો પરંતુ થોડીવાર પછી તે માત્ર 0.87 ટકાની ઊંચાઈ દર્શાવવામાં સફળ રહ્યો હતો.
આ પણ વાંચો:
આ પણ વાંચો:
આ પણ વાંચો: