બોલિવૂડમાં અન્ના તરીકે જાણીતા સુનીલ શેટ્ટી (Suniel Shetty) ની દીકરી અથિયા શેટ્ટી અને ક્રિકેટર કે.એલ. રાહુલ (KL Rahul) 23 જાન્યુઆરીએ લગ્ન કરવા જઈ રહ્યો છે. આ લગ્નના ફંક્શન 3 દિવસ સુધી ચાલશે, જે 21 જાન્યુઆરીથી શરૂ થઇ જશે.
લગ્ન સાથે જોડાયેલી કેટલીક મહત્વપૂર્ણ માહિતી સામે આવી છે. જો અહેવાલોનું માનીએ તો આ લગ્નમાં મોબાઈલ ફોન પર પ્રતિબંધ મુકવામાં આવશે. તે જ સમયે, લગ્નમાં ફક્ત 100 મહેમાનોને આમંત્રણ આપવામાં આવી રહ્યું છે.
એક અંગ્રેજી એન્ટરટેઈનમેન્ટ ન્યૂઝ વેબસાઈટના સમાચાર મુજબ, અથિયાના લગ્નના ફંક્શન 21 જાન્યુઆરીથી શરૂ થઈ રહ્યા છે. તેમની મહેંદી સેરેમની 22મી જાન્યુઆરીએ કરવામાં આવશે. સુનીલ શેટ્ટીના ખંડાલા બંગલામાં યોજાનારી તમામ વિધિઓ અંદર જ કરવામાં આવશે. તેમાં ઘણા ફંક્શન રાખવામાં આવ્યા નથી.
અથિયા અને રાહુલના લગ્ન 23 જાન્યુઆરીએ થશે, જેમાં ફક્ત 100 મહેમાનો હાજર રહેશે, જે કન્યા અને વર પક્ષના હશે. અહેવાલમાં સૂત્રોના હવાલાથી એમ પણ કહેવામાં આવ્યું છે કે મહેમાનોને સ્પષ્ટપણે સૂચના આપવામાં આવી હતી કે તેઓ તેમના મોબાઈલ ફોન દૂર રાખે અને લગ્નની કોઈપણ તસવીરો સોશિયલ મીડિયા પર પોસ્ટ ન કરે.
દાવો કરવામાં આવી રહ્યો છે કે આ લગ્નમાં બોલિવૂડના મોટા સ્ટાર્સ હાજરી આપશે. પરંતુ તેમની સંખ્યા ઓછી હશે, આ લગ્નને પારિવારિક મામલા તરીકે રાખવામાં આવી રહ્યા છે.
અથિયા અને રાહુલના લગ્નનું રિસેપ્શન લગ્નના થોડા અઠવાડિયા પછી યોજાશે. તેનું કારણ કપલની વ્યસ્તતા છે. જ્યારે અથિયા તેના કામની પ્રતિબદ્ધતાઓમાં વ્યસ્ત હશે, ત્યારે રાહુલ આવતા મહિને યોજાનારી બોર્ડર-ગાવસ્કર ટ્રોફી 2023માં વ્યસ્ત રહેશે.
રાહુલે લગ્ન પછી તરત બોર્ડર-ગાવસ્કર ટ્રોફી માટે રવાના થવું પડશે જેથી તે ટ્રેનિંગ કરી શકે. કપલના આ બીજી શેડ્યુલના કારણે તેમનું હનીમૂન પણ મોડું થશે.
આથિયા શેટ્ટી અને કે. એલે. રાહુલ ઘણા સમયથી એકબીજાને ડેટ કરી રહ્યા છે. બંને વચ્ચેના સંબંધો પર સત્તાવાર મહોર 2021 માં મૂકવામાં આવી હતી જ્યારે કે.એલ. અથિયાના ભાઈ અહાનની ડેબ્યૂ ફિલ્મ ‘તડપ’ના પ્રીમિયરમાં રાહુલ શેટ્ટી પરિવાર સાથે જોવા મળ્યો હતો.
આ પણ વાંચો:ફિલ્મ નિર્માતા લીના મણિમેકલાઈને મોટી રાહત, SCએ ધરપકડ પર લગાવી રોક