કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે આઈપીએલ 2023ની 19મી મેચ ઈડન ગાર્ડન્સમાં રમાઈ રહી છે. સનરાઇઝર્સ હૈદરાબાદે હેરી બ્રૂકની સદીની મદદથી 20 ઓવરમાં ચાર વિકેટ ગુમાવીને 228 રન બનાવ્યા છે. હૈદરાબાદ માટે હેરી બ્રુકે સૌથી વધુ 100 રન બનાવ્યા, જે IPL 2023ની પ્રથમ સદી છે. કોલકાતા નાઈટ રાઈડર્સ માટે સૌથી સફળ બોલર આન્દ્રે રસેલ હતો, જેણે મેચમાં ત્રણ વિકેટ ઝડપી હતી.
પ્રથમ બેટિંગ કરવાનું પસંદ કરતા સનરાઇઝર્સ હૈદરાબાદને હેરી બ્રુક અને મયંક અગ્રવાલે સારી શરૂઆત આપી હતી. મયંક માત્ર 9 રન બનાવીને આઉટ થયો હતો. પરંતુ હેરી બ્રુક ઝડપી સ્કોર કરતો જોવા મળ્યો હતો. રાહુલ ત્રિપાઠી પણ 9 રન બનાવીને આઉટ થયો હતો. આ પછી કેપ્ટન એડન માર્કરામે હેરી બ્રુક સાથે મળીને ત્રીજી વિકેટ માટે 72 રન જોડ્યા હતા. એડન માર્કરામ 50 રન બનાવીને આઉટ થયો હતો. બ્રુક અને અભિષેકે 33 બોલમાં 72 રનની ભાગીદારી નોંધાવી હતી. અભિષેક 17 બોલમાં 32 રન બનાવીને આઉટ થયો હતો.