સુરત પોલીસ ફરી એક વખત વિવાદમાં આવી છે. Surat Police-Injure two youth પોલીસે બે યુવકો પર રોફ જમાવી ઢોર માર માર્યો હોવાનો એક મામલો સામે આવ્યો છે. આ ઘટના સુરતના ઉમરા પોલીસ સ્ટેશન હદ વિસ્તારની છે. જ્યાં શનિવારે રાત્રે 11:30 વાગ્યા આસપાસ અક્ષય મહિડા નામના યુવકની ગાડી પોલીસ દ્વારા જમા કરવામાં આવી હતી. આ ગાડી છોડાવવા માટે અક્ષયના ભાઈ અજય અને રાજેન્દ્ર માહિડા ગયા હતા. જ્યારે આ બંને ભાઈઓ ગાડી છોડાવવા માટે પહોંચ્યા ત્યારે ઉમરા પોલીસ એક વ્યક્તિ સાથે બોલાચાલી કરી રહી હતી અને આ બાબતે આ બંને ભાઈમાંથી કોઈ એક વ્યક્તિ દ્વારા મોબાઈલમાં પોલીસનો ગેરવર્તનનો વિડીયો ઉતારવામાં આવ્યો હતો.
આ વાતની જાણ ઉમરા પોલીસ સ્ટેશનના પોલીસ કર્મીઓને Surat Police-Injure two youth થતા જ 12 થી 15 જેટલા પોલીસ કર્મીઓએ અજય અને રાજેન્દ્ર મહીડાને ઢોર માર માર્યો હતો અને ત્યારબાદ પોલીસ સ્ટેશનમાં લઈ જવામાં આવ્યા હતા. પોલીસ સ્ટેશનને પણ ડી સ્ટાફના રૂમમાં આ બંને ભાઈઓને ઢોર મારવામાં આવ્યો હતો. અજય અને રાજેન્દ્રનો આક્ષેપ છે કે, પોલીસ દ્વારા પટ્ટા વડે માર મારવામાં આવ્યો હતો. આ ઉપરાંત માથા પર પગ મૂકીને માથું કચાડવામાં આવ્યું હતું અને બીભત્સ ગાળો આપવામાં આવી હતી.
પોલીસની આવી બર્બતા બાબતે બંને ભાઈઓ દ્વારા ન્યાયની માગણી Surat Police-Injure two youth કરવામાં આવી છે કારણ કે, ઉમરા પોલીસે બંને યુવકને ઢોર માર્યો હોવાના કારણે બંને ભાઈના શરીર પર ઈજા થયાના નિશાન પણ દેખાઈ રહ્યા છે. આ ઘટનામાં પરિવારનો આક્ષેપ છે કે રાજેન્દ્ર નામના યુવકને કાનના ભાગે પોલીસે માર માર્યો હોવાના કારણે રાજેન્દ્રના કાનનો પડદો ફાટી ગયો છે. આ બાબતે પરિવારે PMO અને રાજ્યના ગૃહ મંત્રી પાસે ન્યાયની માગણી કરી છે. હવે જોવાનું એ રહે છે કે આ બંને યુવકોને માર મારનારા પોલીસ કર્મીઓ સામે કોઈ કાર્યવાહી કરવામાં આવે છે કે નહીં.
આ પણ વાંચોઃ વાસ્મોનો ભ્રષ્ટાચાર/ વાસ્મોનો ભ્રષ્ટાચારઃ નલ સે જલ યોજનાના કરોડો રૂપિયા ભ્રષ્ટાચારની ગંગોત્રીમાં વહી ગયા
આ પણ વાંચોઃ FIPIC લીડર્સ-પીએમ મોદી લંચ/ FIPIC નેતાઓને મિલેટ યર નિમિત્તે ભારતીય વાનગીઓનો આસ્વાદ કરાવાયો
આ પણ વાંચોઃ ચિદમ્બરમ-નોટબંધી/ 2000ની નોટ પરત લેવી તે બ્લેકના વ્હાઇટ કરવા માટે મળેલી ખુલ્લી છૂટઃ ચિદમ્બરમ