ગુજરાતમાં કોરોનાનું સંક્રમણ વધતા અનવે ખાસ કરીને અમદાવાદ શહેરમાં કોરોના સંક્રમણનો ગ્રાફ રોકેટ ગતી પકડી લેતા શુક્રવાર રાતે 9 વાગ્યાથી 57 કલાકનો કરફ્યૂ લદાયો છે. શુક્રવારથી પોલીસ એલર્ટ મોડમાં જ જોવામાં આવી રહી છે. અમદાવાદમાં 2 દિવસ – 3 રાતનાં કરફ્યુ દરમિયાન અમદાવાદ પોલીસ દ્વારા ચેકિંગ સઘન બનાવવામાં આવ્યું. યોગ્ય કારણ સિવાય બહાર નીકળતા લોકો સામે કાર્યવાહીઓ પણ કરવામાં આવી અનેઇન્દિરાબ્રિજ સહિતના શહેરનાં અનેક વિસ્તારોમાં વાહનોનું ચેકિંગ પર અવિરત ચાલુ રહ્યું.
શહેરમાં આવેતા તમામ 4 ઝોનમાં DCP, PI, PSI સહિત પોલીસે ચેકિંગ કર્યું અને અમદાવાદ શહેરમાં ગત રાત્રી 9 વાગ્યાથી કરફ્યુ લાગ્યા બાદ બિનજરૂરી બહાર નીકળતા લોકો સામે કાર્યવાહી કરવામાં આવી અને શહેરમાં કુલ 215 કેસ દાખલ કર્યા હોવાની વિગતો વિદિત છે. 243 આરોપી સામે કાર્યવાહી કરવામાં આવી છે. એક આરોપીનો કોરોના રિપોર્ટ પોઝિટિવ આવ્યો હોવાથી તેને હોસ્પિટલાઇઝેશનમાં મોકલી દેવામાં આવ્યો હતો. કરફ્યુ દરમિયાન કાલના દિવસમાં શહેરનાં કુલ 25 લોકોએ લગ્ન માટે પોલીસની મંજૂરી માંગી હતી. જીવન જરૂરી વસ્તુઓ, જેમ કે દૂધ, દવાની દુકાન, મ્યુનિસિપલ સર્વિસ, મીડિયા, પેટ્રોલ અને ગેસ સ્ટેશન, ફાર્મા કંપનીઓ, ઈલેક્ટ્રિક અને પાણી સપ્લાઇ કરનાર અને તેની સાથે સંકળાયેલા લોકોને નિયત આઈડી કાર્ડ કે ડોક્યુમેન્ટ્સ જોઇ જવા દેવામાં આવતા હતા.
અમદાવાદમાં કરફ્યૂના 2 રાત્રી અને 1 દિવસ પૂર્ણ થયા છે. સળંગ કરફ્યૂમાં હજુ એક રાત્રી અને એક(આજનો) દિવસ બાકી હોય લોકોએ આગાળામાં સંયમ વર્તવો જરુરી છે. આમ તો, કર્ફયૂનાં બીજા દિવસે રસ્તાઓ સૂમસામ ભાસી રહ્યા છે. અમદાવાદની જનતાની સ્વયંભૂ શિસ્ત પણ કરફ્યુમાં જોવામાં આવી રહી છે. પછી જ્યા ગામ હોય ત્યાં હવરડા પણ હોવાના જ અને એજ તર્જ પર અનેક લોકો પોલીસનાં હાથે દંડાયા પણ છે. સમગ્ર શહેરમાં સ્મશાનવત્ શાંતિ દેખાઈ રહી છે. સામાન્યતામાં વાત કરવામાં આવે તો, કરફ્યુનાં વિતેલા સમયમાં પોલીસને બળજબરી કરવાની ફરજ પડી નથી. લોકો સ્વયંભૂ ઘરમાં પૂરાઈ રહ્યાં છે.ય મોટાભાગે રસ્તા પર મુસાફરો જ દેખાયા છે. અનિવાર્ય સંજોગોમાં મુસાફરીવાળા દેખાયા તે સ્વાભાવીક વાત છે. જો કર્યવાહીના દ્રષ્ટી કોણથી જોવામાં આવે તો, દંડાત્મક કાર્યવાહી થઈ છે, પરંતુ નજીવા કેસ કહી શકાય.
પરાણે લાગાવેલા કહી શકાય તેવા કરફ્યુનો જોયા બાદ અનેક સવાલો પણ ઉઠી રહ્યા છે….કે,
વિના કરફ્યૂએ આપણે શિસ્ત જાળવીએ તો?
શું આ જ પ્રકારની શિસ્ત જરૂરી નથી?
સોમવારથી આવી જ શિસ્તથી રહીએ તો?
સામૂહિક તકેદારીથી હારી શકે છે કોરોના
જુઓ સુમશાનભાષતા અમદાવાદની આ તસવીરો…
