બેંગ્લુરુઃ પીએમ મોદીએ PM Modi-ISRO જાહેરાત કરી છે કે ભારતનું મૂન લેન્ડર ચંદ્ર પર જ્યાંથી ઉતર્યુ તે પોઇન્ટ ‘શિવ શક્તિ’ તરીકે ઓળખાશે. બે દેશોની મુલાકાત લઈને ભારત પરત ફરેલા પીએમ મોદી સીધા બેંગલુરુ એરપોર્ટ પર ઉતર્યા હતા. જે બાદ તેઓ વૈજ્ઞાનિકોને મળવા ઈસરો કેમ્પસ પહોંચ્યા જ્યાં તેમણે આ જાહેરાત કરી. આ ઉપરાંત તેમણે 23 ઓગસ્ટને નેશનલ સ્પેસ ડે તરીકે ઉજવવાની પણ જાહેરાત કરી છે. આ દિવસે સમગ્ર દેશમાં ઇસરોની સિદ્ધિઓ દેશને દર્શાવવામાં આવશે.
આ દરમિયાન પીએમ મોદીએ કહ્યું કે, કોઈપણ સફળતા અંતિમ હોતી નથી, તેથી જે જગ્યા પર આપણા ચંદ્રયાન-2ના પગના નિશાન પડ્યા હતા તે આજથી તિરંગા પોઈન્ટ તરીકે ઓળખાશે. પીએમ મોદીએ કહ્યું, ‘આ તિરંગા પોઇન્ટ ભારતના દરેક પ્રયાસ માટે પ્રેરણા બનશે, આ તિરંગા પોઇન્ટ આપણને શીખવશે કે કોઈ પણ નિષ્ફળતા અંતિમ નથી.’
‘આપણે જ્યાં પહોંચ્યા ત્યાં કોઈ પહોંચ્યું નહીં’
પીએમ મોદીએ કહ્યું, અમે ત્યાં પહોંચ્યા જ્યાં PM Modi-ISRO કોઈ પહોંચ્યું ન હતું. અમે તે કર્યું જે અગાઉ કોઈએ કર્યું નથી. મારી નજર સામે 23મી ઓગસ્ટનો એ દિવસ દર સેકન્ડે ફરી ફરી રહ્યો છે. જ્યારે ટચ ડાઉન કન્ફર્મ થયું ત્યારે અહીં ઇસરો સેન્ટર અને આખા દેશમાં લોકો જે રીતે કૂદી પડ્યા હતા, તે દ્રશ્ય કોણ ભૂલી શકે છે. કેટલીક યાદો અમર બની જાય છે. એ ક્ષણ અમર બની ગઈ.
‘એક સમયે આપણે ત્રીજી દુનિયા કહેવાતા’
પીએમ મોદીએ કહ્યું, ‘એક સમય હતો જ્યારે PM Modi-ISRO અમારી ગણતરી ત્રીજી હરોળમાં થતી હતી. આજે વેપારથી લઈને ટેકનોલોજી સુધી ભારતની ગણતરી પ્રથમ હરોળમાં ઊભેલા દેશોમાં થઈ રહી છે. ત્રીજી હરોળથી પ્રથમ હરોળ સુધીની આ સફરમાં આપણી ISRO જેવી સંસ્થાઓએ મોટી ભૂમિકા ભજવી છે.
વૈજ્ઞાનિકોને કહ્યું – તમે એક આદર્શ છો
ઈસરોના વૈજ્ઞાનિકોને સંબોધતા પીએમ મોદીએ કહ્યું, તમે નવી પેઢીના રોલ મોડલ છો, તમારા સંશોધન અને વર્ષોની મહેનતે સાબિત કર્યું છે કે તમે જે કરવાનું નક્કી કર્યું છે તે તમે કરો છો. દેશની જનતાને તમારામાં વિશ્વાસ છે અને એ વિશ્વાસ મેળવવો એ નાની વાત નથી. દેશની જનતાના આશીર્વાદ તમારા પર છે.
આ પણ વાંચોઃ BWF World Championships/ ભારતના સ્ટાર ખેલાડી એચએસ પ્રણોયનું શાનદાર પ્રદર્શન,વિશ્વના નંબર-1ને હરાવી સેમિફાઇનલમાં કર્યો પ્રવેશ
આ પણ વાંચોઃ ઉત્તરપ્રદેશ/ સ્કૂલમાં શિક્ષિકાએ વર્ગખંડની અંદર જ હિન્દુ વિધાર્થીઓને પ્રોત્સાહિત કરીને મુસ્લિમ વિધાર્થીને માર ખવડાવતા ખળભળાટ
આ પણ વાંચોઃ Bird Species/ પક્ષીઓની 338 પ્રજાતિની સંખ્યામાં 60 ટકાનો થયો ઘટાડો,આ પક્ષીઓ માટે સૌથી મોટો ખતરો!
આ પણ વાંચોઃ Asia Cup/ એશિયા કપ માટે ભારતની ઐતિહાસિક પહેલ, BCCI પ્રમુખ રોજર બિન્ની અને રાજીવ શુક્લા પાકિસ્તાન જશે
આ પણ વાંચોઃ પંચમહાલ/ પ્રખ્યાયત યાત્રાધામ પાવાગઢ મંદિરમાં મોટી દુર્ઘટના ટળી,કેબલ ટ્રેક પરથી ઉતરી જતા શ્રદ્વાળુઓના જીવ તાળવે ચોટીયા
