બાળકોને પોષણક્ષમ આહાર મળી રહે તે માટેના બધા પ્રયત્નો મમ્મીઓ કરતી હોય છે. કોર્ન પાલક ટીક્કી વિટામીનથી ભરપુર છે. પોષણની સાથે તે ક્રિસ્પી અને સ્વાદમાં ચટપટી હોવાથી બાળકોને જરૂર ભાવશે. આ ટીક્કીને તમે નાસ્તામાં પણ ખાઈ શકો છો.
કોર્ન પાલક ટીક્કીની સામગ્રી
- ૨૦૦ ગ્રામ મકાઈના દાણા
- ૨-૩ કપ દૂધ
- ૨ ટે. સ્પુન લીંબુનો રસ
- ૧ કપ બાફેલા બટેકા
- ૮૦૦ ગ્રામ પાલક
- ૧ ટે. સ્પુન લાલ મરચું
- પનીરના ટુકડા જરૂર મુજબ
- ૧ ટે. સ્પુન ગરમ મસાલો
- ૧ ટે. સ્પુન સંચળ પાઉડર
- ૧ ટે સ્પુન. જીરું પાઉડર
- ૧ ટે સ્પુન સમારેલું આદુ
- મીઠું સ્વાદ અનુસાર
- ૨ નંગ સમારેલા લીલા મરચા
- અડધો કપ સમારેલી કોથમીર
- ૧ ટે. સ્પુન મેંદો
- ઘી તળવા માટે
બનવવાની રીત
સૌ પ્રથમ પાલકને બાફીને જીણી સમારી લો. ત્યારબાદ મકાઈના દાણા દૂધમાં નરમ મ થઇ જાય ત્યાં સુધી ગરમ થવા દો. આ મિશ્રણને પીસીને એક બાજુ મૂકી દો. હવે પીસેલા આ મકાઈના દાણામાં લીંબુનો રસ અને ચાટ મસાલો ઉમેરો. ત્યારબાદ તેમાં બાફેલા બટેકા, પનીર અને પાલકને મિક્ષ કરી લો.
હવે તેમાં કોથમીર, આદુ , મીઠું અને મકાઈનો લોટ નાખો. ટીક્કી બની શકે તેવી પેસ્ટ તૈયાર કરો. હવે ગોળાકાર આકાર આપીને આ ટીક્કીને ઘીમાં તળી લો. તો તૈયાર છે કોર્ન પાલક ટીક્કી.
ગરમાગરમ આ ટીક્કીને ટામેટાના સોસ કે કોથમીર ફુદીનાની ચટણી સાથે સર્વ કરો.