Uttar Pradesh News: શાકભાજી હોય કે ફળો, આપણે તેને કાપવા માટે ચાકુ(ચપ્પુ) ઉપયોગ કરીએ છીએ. તેના પણ ઘણા પ્રકારો છે. સામાન્ય રીતે ચાકુની મહત્તમ સાઈઝ 7 થી 8 ઇંચ હોય છે. પણ શું તમે આના કરતા મોટું ચાકુ જોયું છે? પણ શું તમે સૌથી મોટું ચાકુ જોયું છે? જો તમે હજુ સુધી તેને નથી જોયું તો તમારી ઈચ્છા ભારતમાં જ પૂરી થઈ જશે.
અમે તમને ઉત્તર પ્રદેશના રામપુરમાં હાજર ભારતના સૌથી મોટા ચાકુ વિશે જણાવવા જઈ રહ્યા છીએ. તેને માત્ર ભારતમાં જ નહીં પરંતુ વિશ્વનું સૌથી મોટું ચાકુ માનવામાં આવે છે. પરંતુ તેમાં શું ખાસિયત છે, ચાલો જાણીએ.
જો દુનિયાના સૌથી મોટા ચાકુની વાત કરીએ તો રામપુરી ચાકુની લંબાઈ 6.10 મીટર છે. તેનું વજન 8 ક્વિન્ટલ છે. જાણીને નવાઈ લાગશે કે આ ચાકુની કિંમત 52 લાખ રૂપિયાથી વધુ છે. આ ચાકુ ગયા વર્ષે જ રામપુરના ચોકમાં(ચાર રસ્તા પર) મૂકવામાં આવ્યું હતું. આ ચાકુ બહુ જલ્દી ગિનીસ બુકમાં સામેલ કરવામાં આવી શકવાની સંભાવના ધરાવે છે.
વિશ્વના સૌથી મોટા ચાકુની વિશેષતાઓ જાણી અને તમને ખરેખર તે જોવાનું મન થશે. એવું કહેવાય છે કે વિશ્વમાં આ એકમાત્ર ચાકુ છે જે શહેરની મધ્યમાં ચાર રસ્તાએ મૂકવામાં આવ્યું છે. જેથી પ્રવાસીઓ તેને સરળતાથી શોધી શકે. તેની વિશેષતા એ છે કે આ ચાકુ એક બટનથી ખુલે છે અને એક જ બટનથી બંધ થાય છે. આ ચાકુ પર કરવામાં આવેલ કોતરકામ જોઈને દરેક વ્યક્તિ દંગ રહી જાય છે. કહેવાય છે કે આ ચાકુને ક્યારેય કાટ લાગતો નથી અને તડકામાં પણ બગડતો નથી.
19મી સદી વખતે રામપુરમાં નવાબીનો યુગ હતો. તે દિવસોમાં અહીંના નવાબને એક અદ્ભુત ચાકુ ભેટમાં આપવામાં આવ્યું હતું. આ ચપ્પાઓ જોયા પછી નવાબે પોતાના રામપુરમાં આવા જ ચાકુઓ બનાવનાર કારીગરની શોધ શરૂ કરી. થોડા દિવસો પછી બેચા નામના કારીગરે ચાકુ બનાવીને તેને રજૂ કરી. નવાબને આ જોઈને નવાઈ લાગી. તે પછી રામપુરમાં ચાકુ બનાવવાની પરંપરા શરૂ થઈ. નવાઈની વાત એ છે કે 70ના દાયકામાં આ ચાકુએ ફિલ્મ મેકરનું ધ્યાન ખેંચ્યું અને રામપુરી ચાકુ આખી દુનિયામાં ફેમસ થઈ ગઈ.
આ પણ વાંચો:‘કમાણીમાંથી મેળવેલ મિલકત ગેંગસ્ટર એક્ટ હેઠળ અટેચ કરી ન શકાય’: અલ્હાબાદ હાઈકોર્ટ
આ પણ વાંચો:અમિત શાહ હેમા માલિનીના સમર્થનમાં મથુરામાં જાહેરસભા કરશે
આ પણ વાંચો:પ્રથમ તબક્કામાં 68% મતદાન, આ રાજ્યોમાં પથ્થરમારો, EVM સળગાવ્યું
આ પણ વાંચો:અંદામાનની આ જનજાતિએ પ્રથમ વખત મતદાન કર્યું, આ જગ્યાએ વોટિંગનો બહિષ્કાર