IPL 2021 નો બીજો રાઉન્ડ શરૂ થઈ ગયો છે અને લોકો ઘરે બેઠા ઓનલાઈન અને તેમના ટીવી પર લાઈવસ્ટ્રીમ માણી રહ્યા છે. આજે ઈન્ડિયન પ્રીમિયર લીગ 2021 ની 35 મી મેચ રોયલ ચેલેન્જર્સ બેંગ્લોર અને ચેન્નઈ સુપરકિંગ્સ (CSK vs RCB) વચ્ચે થવાની છે. આ મેચ શારજાહ ક્રિકેટ સ્ટેડિયમ પર સાંજે 7:30 વાગ્યે શરૂ થશે અને આ મેચનો ટોસ સાંજે 7:00 વાગ્યે થશે.
આ પણ વાંચો – નવો નિયમ / ક્રિકેટમાંથી હંમેશા માટે હટાવવામાં આવ્યો ‘Batsman’ શબ્દ
આ IPL 2021 સીઝનનો બીજો રાઉન્ડ છે, જે આ વર્ષની શરૂઆતમાં કોવિડ-19 વાયરસની બીજી લહેર સાથે વિક્ષેપિત થયો હતો. રોયલ ચેલેન્જર્સ બેંગ્લોરનું નેતૃત્વ વિરાટ કોહલી કરી રહ્યા છે, જ્યારે ચેન્નઈ સુપર કિંગ્સની કમાન મહેન્દ્ર સિંહ ધોની સંભાળી રહ્યા છે. સ્ટાર નેટવર્કને ઈન્ડિયન પ્રીમિયર લીગ 2021 એટલે કે IPL નું જીવંત પ્રસારણ કરવાનો અધિકાર છે, તેથી તમામ T20 મેચનું Star Sports અને Star Sports HD ચેનલો પર ટેલિવિઝન પર જીવંત પ્રસારણ કરવામાં આવી રહ્યું છે. એ જ રીતે, ડિજિટલ સ્ટ્રીમિંગ અધિકારો પણ Star નેટવર્ક પાસે છે અને તમામ મેચ Disney+ Hotstar નાં OTT પ્લેટફોર્મ પર લાઇવ સ્ટ્રીમ થઈ રહી છે. આજે રોયલ ચેલેન્જર્સ બેંગ્લોર અને ચેન્નઈ સુપર કિંગ્સની IPL 2021 મેચ Disney + Hotstar સ્ટ્રીમિંગ પ્લેટફોર્મ પર લાઇવ સ્ટ્રીમ થશે. તમે સાઇન ઇન કર્યા વિના 15 મિનિટ સુધી મફતમાં મેચ જોઈ શકો છો. પરંતુ બાદમાં તમારે પ્લાન ખરીદવાની જરૂર પડશે. જ્યારે આંતરરાષ્ટ્રીય યુઝર્સ YuppTV પર આનંદ સાથે આ IPL ની મેચ જોઈ શકે છે.
આ પણ વાંચો – IPL 2021 / રોહિતે બનાવ્યો એવો રેકોર્ડ જેને દુનિયાનાં દિગ્ગજ ખેલાડી પણ નથી બનાવી શક્યા
જો તમે ભારતની બહાર છો અને ઓસ્ટ્રેલિયા, ભૂતાન, શ્રીલંકા, નેપાળ, માલદીવ અને યુરોપ, દક્ષિણ અને મધ્ય અમેરિકા અને દક્ષિણ પૂર્વ એશિયામાં રહો છો, તો તમે IPL 2021 ની મેચો લાઇવ જોવા માટે YuppTV નો ઉપયોગ કરી શકો છો. Disney + Hotstar સુપરનું વાર્ષિક લવાજમ 899 રૂપિયામાં અને પ્રીમિયમ સબ્સ્ક્રિપ્શન 1,499 રૂપિયામાં ઉપલબ્ધ છે. આ સિવાય એક મોબાઈલ પ્લાન પણ છે, જેની કિંમત દર વર્ષે 499 રૂપિયા છે. તેથી તમે તમારા અનુસાર કોઈપણ પ્લાન ખરીદી શકો છો. જો તમે Airtel, Vodafone Idea (Vi) અથવા રિલાયન્સ Jio નાં પ્રીપેડ ગ્રાહક પણ છો, તો તમને પસંદગીનાં પ્લાન સાથે મફત Disney+ Hotstar સબ્સ્ક્રિપ્શન મળે છે જ્યાં તમે વધારાનાં પૈસા ખર્ચ્યા વગર આ IPL ની મજાને માણી શકો છો.
