Bharuch News : ભરૂચ દૂધધારા ડેરીની ચૂંટણીને લઇ સાંસદ મનસુખ વસાવાનું નિવેદન સામે આવ્યું છે. પાર્ટીની ભૂલના કારણેપાર્ટીના જ લોકો અંદરો અંદર લડવાના છે, એમ વસાવાએ કહ્યું હતું. પાર્ટીએ ઝોન પ્રમાણે મેન્ડેડ આપ્યા છે. અપક્ષ ઉમેદવારો લડી રહ્યા છે તે પણ પાર્ટીના જ ઉમેદવારો છે, એમ તેમણે વધુમાં કહ્યું હતું.
મેન્ડેડ પ્રક્રિયામાં પાર્ટીએ ધ્યાન ના આપવાથી આ સ્થિતિનું નિર્માણ થયું છે. ભારતીય જનતા પાર્ટી શિષ્ટબંધ પાર્ટી છે અને પારદર્શક વહીવટમાં માને છે, એમ વસાવાએ વધુમાં કહ્યું હતું. જિલ્લાની સંકલન ની સમિતિમાં ચર્ચા કરીને મેન્ડેડ આપવા જોઈએ…
પાર્ટીના જ લોકો અંદરો અંદર લડવાના છે અને આવનાર સમયમાં પાર્ટીને જ નુકસાન ભોગવવું પડશે, એમ તેમણે કહ્યું હતું. મનસુખ વસાવાએ કહ્યું હતું કે મારી તો કફોડી સ્થિતિ થવાની છે. તેમણે જિલ્લાના હિતમાં સારા પશુપાલકો જીતીને જાય તે આશા વ્યક્ત કરી છે.
