કોરોના વાયરસ ફરી એકવાર પોતાના રંગ બતાવી રહ્યો છે. દિલ્હી, મિઝોરમ, હરિયાણા, ઉત્તર પ્રદેશ અને કેરળ બાદ રાજસ્થાનમાં પણ કોરોના સંક્રમિતોની સંખ્યા વધી રહી છે. આ વખતે ઉલ્ટી-ઝાડાની સમસ્યા દર્દીઓમાં જોવા મળી રહી છે. એવું માનવામાં આવે છે કે ઉલ્ટી અને ઝાડા એ કોરોનાના નવા લક્ષણો છે.
થોડા દિવસોથી મોટી સંખ્યામાં બાળકો OPDમાં આવી રહ્યા છે. આ બાળકોમાં ઉલ્ટી, ઝાડા અને ઉંચા તાવની સમસ્યા જોવા મળી રહી છે. કેટલાક બાળકોમાં પેટમાં તીવ્ર દુખાવાના લક્ષણો પણ જોવા મળ્યા છે. જ્યારે તેમનો કોરોના ટેસ્ટ કરવામાં આવ્યો ત્યારે મોટા ભાગના બાળકો પોઝિટિવ આવ્યા હતા.
આ ઋતુમાં જે લોકો ઉલ્ટી અને ઝાડાથી પીડિત છે અને કોવિડ પોઝિટિવ છે, તેના માટે માત્ર એક વાયરસ જવાબદાર નથી, પરંતુ તે મિશ્રિત વાયરલ ચેપ છે. આ લક્ષણો પછી કેટલાક લોકોને ઝાડા થઈ રહ્યા છે, પરંતુ સ્પષ્ટપણે કહી શકાય નહીં કે ઉલ્ટી-ઝાડા એ કોરોનાના નવા લક્ષણોમાંનું એક છે કે કેમ.
જો કોઈ વ્યક્તિને ઉલ્ટી અને ઝાડા થવાની સમસ્યા હોય તો તેણે ડૉક્ટરને બતાવવું જોઈએ. તેમ છતાં જો તેના મનમાં શંકા હોય કે તેને કોરોના છે કે નહીં તો તેણે તેનો કોવિડ ટેસ્ટ કરાવવો જોઈએ. તેનાથી સ્પષ્ટ થશે કે તેને ડાયેરિયા છે કે કોરોના.
ઉનાળાની ઋતુમાં ફૂડ પોઈઝનિંગ એ એક સામાન્ય બીમારી છે. આ સમયે ખોરાક સરળતાથી બગડી જાય છે અને ઘણી વખત લોકો તેને ખાય છે. વાસી ખોરાક કે બગડેલો ખોરાક ખાવાથી ફૂડ પોઈઝનિંગની સમસ્યા થઈ શકે છે.
ફૂડ પોઈઝનિંગના લક્ષણો શું છે?
ઉબકા, પેટમાં દુખાવો, ઉલટી થવી, ઝાડા, તાવ, નબળાઈ, માથાનો દુખાવો, ભૂખ ન લાગવી
ફૂડ પોઈઝનિંગથી શું થઈ શકે?
ફૂડ પોઈઝનિંગથી પેટમાં અસ્વસ્થતા, ઉલ્ટી અને ઝાડા થઈ શકે છે. આ સમસ્યા બાળકોમાં વધુ જોવા મળે છે. ઘણાં વિવિધ પ્રકારના હાનિકારક સૂક્ષ્મજીવો છે જે શરીરમાં સમસ્યાઓનું કારણ બની શકે છે. તેમાં બેક્ટેરિયા, વાયરસ અને ફૂગનો સમાવેશ થાય છે. જ્યારે ખોરાક બગડે છે, ત્યારે આ કીટાણુઓ તેમાં વધવા લાગે છે. જ્યારે તમે આવો બગડેલો ખોરાક ખાઓ છો, ત્યારે તે તમારા શરીરમાં જાય છે અને કલાકો પછી તમને ઉલ્ટી, ઝાડા અને તાવ જેવી સમસ્યાઓ થઈ શકે છે.
શું આ ચિંતાનો વિષય છે?
હા, ઉલ્ટી અને ઝાડાને હળવાશથી લેવી સારી બાબત નથી. જેના કારણે નાના બાળકો અને વૃદ્ધોની તબિયત લથડી રહી છે. ક્યારેક આના કારણે દર્દીઓને હોસ્પિટલમાં પણ દાખલ થવું પડે છે. હાલના દિવસોમાં ઉલ્ટી અને ઝાડા પણ કોરોનાના લક્ષણમાં સામેલ હોવાથી બેદરકારી મોંઘી પડી શકે છે.
આ પણ વાંચો: Weather Updates/ આગામી 5 દિવસ સુધી કાળઝાળ ગરમીથી રાહત મળવાની શક્યતા, આ રાજ્યોમાં ભારે પવન, વરસાદ આપશે ઠંડક
આ પણ વાંચો: ગાઝિયાબાદ/ ટ્રિપલ તલાક બાદ હવે ‘તલાક-એ-હસન’ ચર્ચામાં, મુસ્લિમ મહિલાએ SCને કહ્યું- બધા માટે એક…
