ઉત્તર પ્રદેશ વિધાનસભા ચૂંટણીના ચોથા તબક્કા હેઠળ આજે નવ જિલ્લાની 59 બેઠકો પર મતદાન શરૂ થયું છે. સોમવારે સાંજે ચોથા તબક્કાના પ્રચારનો અંત આવ્યો હતો. વિધાનસભા ચૂંટણીના ચોથા તબક્કામાં આજે પીલીભીત, લખીમપુર ખેરી, સીતાપુર, હરદોઈ, ઉન્નાવ, લખનૌ, રાયબરેલી, બાંદા અને ફતેહપુર જિલ્લામાં કુલ 59 વિધાનસભા બેઠકો પર મતદાન થઈ રહ્યું છે. આ તબક્કામાં કુલ 624 ઉમેદવારો મેદાનમાં છે.
આ પણ વાંચો:રાજાશાહી વખતથી ફાળવવામાં આવેલા કાયદેસરના વાડાઓ અંગે માંગણી નહીં સ્વિકારાય તો
રાજકીય પક્ષોએ પુરી તાકાત લગાવી દીધી
વર્ષ 2017માં યોજાયેલી છેલ્લી વિધાનસભા ચૂંટણીમાં ભાજપે આ 59 બેઠકોમાંથી 51 બેઠકો જીતી હતી. આ સિવાય સપાને ચાર, બસપાને ત્રણ અને ભાજપના સહયોગી અપના દળ-સોનેલાલને એક બેઠક મળી છે. ચોથા તબક્કાનો પ્રચાર ખૂબ જ ‘હાઈ વોલ્ટેજ’ હતો અને તમામ રાજકીય પક્ષોએ પ્રચાર કાર્યમાં પોતાની પૂરી તાકાત લગાવી દીધી હતી. વડાપ્રધાન નરેન્દ્ર મોદીના નેતૃત્વમાં બીજેપીના નિશાને મોટાભાગે સપા હતી. ગયા શુક્રવારે અમદાવાદ બોમ્બ વિસ્ફોટ કેસમાં આરોપીઓને મળેલી સજાને લઈને ભાજપે એસપી પર આકરા પ્રહારો કર્યા હતા અને તેને આતંકવાદીઓ પ્રત્યે સહાનુભૂતિ ધરાવતો પક્ષ ગણાવ્યો હતો.
બીજી તરફ, અખિલેશ યાદવની આગેવાની હેઠળના સપા ગઠબંધને ભાજપની કથિત નિષ્ફળતા ગણીને મતદારો પાસેથી મત માંગ્યા. તેમની મોટાભાગની રેલીઓમાં અખિલેશે દાવો કર્યો હતો કે ચૂંટણીના પ્રથમ ત્રણ તબક્કામાં સપા ગઠબંધનને મજબૂત સમર્થન મળ્યું હતું અને કહ્યું હતું કે, આ વખતે ચૂંટણીમાં ભાજપની ઐતિહાસિક હાર થશે. તે જ સમયે, બસપા પ્રમુખ માયાવતીએ પણ ઘણી રેલીઓ યોજી હતી અને લોકોને સપા, ભાજપ અને કોંગ્રેસને સત્તાથી દૂર રાખવાની અપીલ કરી હતી અને કહ્યું હતું કે માત્ર બસપા જ રાજ્યની જનતાને વાસ્તવિક સુશાસન આપી શકે છે.
આ પણ વાંચો:Koo એપએ જીત્યો NASSCOM નો પ્રતિષ્ઠિત લીગ ઓફ 10- ઇમર્જ 50 એવોર્ડ
આ પણ વાંચો: આજે વાતાવરણમાં પલટો આવશે, જોણો ક્યાં રાજ્યોમાં વરસાદની સંભાવના
