મુંબઇ,
| બાર્બી ડોલ…નામ પડતાં જ નાના હોય કે મોટા બધાના ચહેરા પર સ્માઈલ આવી જ જાય છે. 60 વર્ષના સફરમાં બાર્બી ઘણા અવતારમાંથી પસાર થઈ ચુકી છે. ક્યારેય ગોરા રૂપમાં આવી, ક્યારેક કાળા, ક્યારેક લાંબા વાળ અને ક્યારેક ટૂંકા વાળ સાથે, ક્યારેક સાડી પહેરીને અને ક્યારેક અવકાશયાત્રીના અવતારમાં જોવા મળી છે. પરંતુ 60 વર્ષ પછી પણ કરચલીઓ પડવાની તો દુર વાત રહી બાર્બીના ચહેરા પરની ચમક ઝાંખી પડી નથી.ઉલટું તે હવે મજબૂત, આત્મવિશ્વાસથી ભરપુર અને વધુ સુંદર બનતી જાય છે.
દુર-દુર સુધી પ્રખ્યાત.. -150થી વધુ દેશોમાં અત્યાર સુધીમાં 5 કરોડ 80 લાખ બાર્બી વેચાઇ ચુકી છે -અમેરિકન કંપની મેટલએ 09 માર્ચ, 1959ના રોજ બાર્બીને લોન્ચ કરી હતી. -કંપની શરૂ થતાં પહેલાં 03 મિલિયન બાર્બીનું વેચાણ થઇ ચુક્યું હતું -1965 માં આર્મસ્ટ્રાંગના ચંદ્ર પર ગયાના ચાર વર્ષ પહેલાં જ અવકાશયાત્રીના અવતારમાં બાર્બી આવી ગઈ હતી.
બાર્બી વિશે આ પણ જાણી લો..
-બાર્બી Twitter પર પણ છે અને 20 મિલિયનથી વધુ અનુયાયીઓ છે. -બાર્બીના પોતાના હેરસ્ટાઇલિસ્ટ, મેક-અપ કલાકાર અને ફોટોગ્રાફર છે. -55 ટકા બાર્બી જે સૌથી વધુ ખરીદવામાં આવે છે, તેમાં રૂપેરી વાળ અથવા વાદળી આંખો હોતી નથી. -12 થી 18 મહિના બાર્બી બદલવા માટેની ડિઝાઇન પ્રક્રિયા ચાલે છે પછી પ્રોટોટાઇપ ઉત્પાદન માટે જાય છે -1959ના સમય સુધી બાર્બીના કપડાં અને ડિઝાઇન તેના સમયથી ઘણા આગળ હતા.
આવી રીતે જન્મ થયો બાર્બીનો અમેરિકન વ્યવસાયી રૂથ હેન્ડલરે તેના પતિ ઇલિયટ હેન્ડલરના સાથે ઢીંગલી ઘર માટે ફર્નીચર બનાવતી હતી. એક દિવસ તેણે જોયું કે તેની પુત્રી તેના મિત્રો સાથે કાર્ડ બોર્ડની ઢીંગલી સાથે રમી રહી હતી એને તે ઘણી ખુશ હતી. આ નાની છોકરી તેની ઢીંગલીને સુંદર કપડાં પહેરાવતી હતી અને સુંદર મેકઅપ પણ કરતી હતી. આ જોઈને રૂથે પુત્રી અને તેના મિત્રોને પૂછ્યું કે તેમને ઢીંગલી ગમશે. આ પ્રશ્ન પર છોકરીઓએ કહ્યું કે આ ઢીંગલી તેમની સૌથી ફેવરીટ છે. આ પછી રૂથે પોતાની પુત્રી અને તેના મિત્રોના સ્વપ્નને પૂર્ણ કરવાનો પ્રયાસ શરૂ કર્યો. તેણી જાપાન ગઈ અને વિવિધ રમકડાં ઉત્પાદકો સાથે પ્રયોગ કર્યો અને ઘણા પ્રયોગો કર્યા અને બાર્બી ડોલ બનાવવા માટે કામયાબ થઇ ગઈ.
|
