ખેડૂતોએ 13 ફેબ્રુઆરીએ ‘દિલ્હી માર્ચ’ની જાહેરાત કરી હતી, જેના કારણે મંગળવારે હરિયાણા-પંજાબ સરહદો પર પોલીસ અને ખેડૂતો વચ્ચે અથડામણની ઘટનાઓ પ્રકાશમાં આવી હતી. હરિયાણાના શંભુ બોર્ડર અને જીંદ બોર્ડર પર પોલીસ અને આંદોલનકારી ખેડૂતો આમને-સામને આવી ગયા હતા, જ્યાં એક તરફ પોલીસે વોટર કેનન અને ટીયર ગેસ વડે ખેડૂતોને રોકવાનો પ્રયાસ કરવામાં આવ્યો, તો બીજી તરફ પોલીસ પર પથ્થરમારો થયો હોવાના અહેવાલ છે. આ આંદોલનની અસર ઉત્તર પ્રદેશમાં દિલ્હીના સરહદી શહેર નોઈડામાં જોવા મળી હતી.
મંગળવારે ખેડૂતોની દિલ્હી કૂચની અસર નોઈડામાં પણ જોવા મળી હતી. અહીં, મુખ્ય માર્ગો, ખાસ કરીને દિલ્હી તરફ જતા રસ્તાઓ પર ઘણા કિલોમીટર લાંબો જામ હતો. નોઈડા કાલિંદી કુંજ બોર્ડર પર 5 કિલોમીટરથી વધુ લાંબો જામ હોવાનું સામે આવ્યું છે. તે જ સમયે, મહામાયાથી નોઇડા ગેટ સુધી બે કિલોમીટર લાંબો જામ હતો.જેના કારણે ઓફિસેથી ઘરે પરત ફરતા લોકોને ભારે ટ્રાફિક જામનો સામનો કરવો પડ્યો હતો. કાલિંદી કુંજ યમુના પુલ પર વાહનોની લાંબી કતારો લાગી હતી. કાલિંદી કુંજથી મહામાયા ફ્લાયઓવર સુધી ટ્રાફિક જામ થયો હતો. કાલિંદી કુંજ બોર્ડર પર સવારથી જામ ચાલુ રહ્યો હતો.
ખેડૂત સંગઠનોએ મંગળવારે તેમનું પ્રદર્શન બંધ કરી દીધું છે. હવે ખેડૂતો આવતીકાલે અને બુધવારે ફરીથી દિલ્હી તરફ કૂચ કરશે. ખેડૂત સંગઠનોએ મંગળવારે સાંજે આની જાહેરાત કરી હતી. ખેડૂત સંગઠનોએ કહ્યું કે આ અમારી ધીરજની જીત છે. અમારા લગભગ 100 લોકો ઘાયલ થયા હતા પરંતુ તેમ છતાં અમે ધીરજ રાખી હતી.
