કેનેડાએ ઈમિગ્રેશન સંબંધિત નિયમોમાં મહત્વપૂર્ણ ફેરફારોની જાહેરાત કરી છે. કેનેડામાં અભ્યાસ કરવા માંગતા લોકો પર આનાથી અસર થશે. ગુરુવારે, ઇમિગ્રેશન, શરણાર્થીઓ અને નાગરિકતા મંત્રી માર્ક મિલરે જણાવ્યું હતું કે 1 જાન્યુઆરી, 2024 થી, વિદ્યાર્થીઓ માટે જીવનનિર્વાહની નાણાકીય જરૂરિયાતની લઘુત્તમ કિંમત 10 હજાર કેનેડિયન ડોલરથી વધારીને 20,635 કેનેડિયન ડોલર કરવામાં આવશે. તેમને કહ્યું કે દેશમાં વિદ્યાર્થીઓને કોઈ આર્થિક મુશ્કેલીનો સામનો ન કરવો પડે તે માટે આવું કરવામાં આવી રહ્યું છે.
કેનેડામાં અભ્યાસ કરવા ઈચ્છતા ભારતીય વિદ્યાર્થીઓ પર આ ફેરફારની મોટી અસર પડશે. માહિતી અનુશાર મોન્ટ્રીયલ યુથ સ્ટુડન્ટ ઓર્ગેનાઈઝેશનના મનદીપે આ નવા નિયમો અંગે ચિંતા વ્યક્ત કરી છે. “આઇઇએલટીએસ પરીક્ષાઓ અને કૉલેજની વધેલી ફી અને ઊંચા ભાડાને કારણે વિદ્યાર્થીઓ પહેલેથી જ તણાવમાં છે,” તેમને કહ્યું. આંતરરાષ્ટ્રીય વિદ્યાર્થીઓ માટે શરતો હળવી કરવાને બદલે, કેનેડિયન સરકાર વિદ્યાર્થીઓના ખર્ચ માટે બેંકોમાં જરૂરી સિક્યોરિટી ડિપોઝિટ બમણી કરી રહી છે.
મનદીપે ભારપૂર્વક કહ્યું, ‘પહેલા આ ન્યૂનતમ રકમ 10 હજાર કેનેડિયન ડોલર હતી, જે હવે બમણી થઈ ગઈ છે. આ રકમ જમા કરાવ્યા બાદ બેંકો ગેરંટીડ ઈન્વેસ્ટમેન્ટ સર્ટિફિકેટ જારી કરે છે. હાલમાં ખર્ચના આધારે આ ખાતામાંથી માત્ર $670 ઉપાડી શકાય છે. જોકે, ફુગાવો અને સુધારેલી લઘુત્તમ સુરક્ષા રકમમાં વધારાને ધ્યાનમાં રાખીને આ મર્યાદા બમણી કરવામાં આવે તેવી શક્યતા છે. પરંતુ આ વધારાનો બોજ વિદ્યાર્થીઓને કેનેડામાં તેમનું શિક્ષણ લેતા અટકાવશે, કારણ કે નાણાકીય સંસાધનો નિર્ણાયક ભૂમિકા ભજવે છે.’
MYSOના અન્ય સભ્ય ખુશપાલ ગ્રેવાલે જણાવ્યું હતું કે, ‘કોલેજની ફી ઘટાડવા, ભાડાંને નિયંત્રિત કરવા અથવા સસ્તા પબ્લિક ટ્રાન્સપોર્ટ આપવાને બદલે સરકાર આંતરરાષ્ટ્રીય વિદ્યાર્થીઓ પર બોજ વધારી રહી છે. કોરોના પહેલા, જ્યારે કેનેડાને કામદારોની અછતનો સામનો કરવો પડ્યો હતો, ત્યારે ઇમિગ્રેશન નિયમો હળવા કરવામાં આવ્યા હતા, જેના કારણે છેલ્લા કેટલાક વર્ષોમાં વિદ્યાર્થીઓની સંખ્યામાં વધારો થયો હતો. હવે કેનેડા નિયમો કડક કરી રહ્યું છે. MYSOના અન્ય સભ્ય મનપ્રીતે જણાવ્યું હતું કે, ‘સરકાર તેમની સુવિધાના આધારે નિયમોમાં ફેરફાર કરે છે.’
આ પણ વાંચો:Sonia Gandhi Birthday/વડાપ્રધાન મોદીએ સોનિયા ગાંધીને જન્મદિવસની શુભેચ્છા પાઠવી
આ પણ વાંચો:Telangana Govt/તેલંગાણા સરકારે મહિલાઓ, ટ્રાન્સજેન્ડરો માટે મફત બસ મુસાફરી યોજના શરૂ કરી
