આગામી હિંદુ પૌરાણિક ફિલ્મ ‘આદિપુરુષ’ નું ટીઝર રિલીઝ થયા બાદ વિવાદ અટકવાનું નામ નથી લઈ રહ્યો. ફિલ્મમાં સૈફ અલી ખાનના લુક્સ પર ઘણો વાંધો ઉઠાવવામાં આવી રહ્યો છે. આ સિવાય ‘આદિપુરુષ’ નો વિરોધ કરતી વખતે હવે સર્વ બ્રાહ્મણ મહાસભાએ ગુરુવારે નિર્દેશક ઓમ રાઉતને નોટિસ મોકલી છે. આ નોટિસ મુજબ ઓમ રાઉત ફિલ્મમાંથી વિવાદાસ્પદ સીન હટાવીને માફી માંગે. ડિરેક્ટરે આ નોટિસનો 7 દિવસમાં જવાબ આપવાનો રહેશે. અન્યથા તેમની સામે કાયદેસરની કાર્યવાહી કરવામાં આવશે.
નોટિસમાં લખવામાં આવ્યું છે કે ‘તમને વિનંતી છે કે હિંદુઓની ધાર્મિક લાગણીઓ સાથે રમત ન કરો. કોઈની ભાવનાઓ સાથે રમત ન કરો. રામાયણ અને રામચરિતમાનસમાં જે રીતે કહેવામાં આવ્યું છે તેમ ફિલ્મમાં બતાવો. અમે ફિલ્મ વિરુદ્ધ કાનૂની નોટિસ મોકલી છે. કાનૂની નોટિસ દ્વારા 7 દિવસની અંદર જાહેરમાં જવાબ આપો. વિવાદાસ્પદ દ્રશ્ય કાઢી નાખો અને જાહેરમાં માફી માગો. અન્યથા તમારે કાનૂની કાર્યવાહીનો સામનો કરવો પડશે.
તે જ સમયે, દિગ્દર્શક ઓમ રાઉતે ધ ઈન્ડિયન એક્સપ્રેસ સાથેની વાતચીતમાં કહ્યું હતું કે ‘આ એક એવું વાતાવરણ છે જેને હું નિયંત્રિત કરી શકતો નથી. પસંદગી આપવામાં આવે તો, હું તેને YouTube પર ક્યારેય નહીં મૂકું પરંતુ તે સમયની જરૂરિયાત છે. અમારે તેને ત્યાં રાખવાની જરૂર છે જેથી તે વિશાળ દર્શકો સુધી પહોંચે. અમે આપને જણાવી દઈએ કે, ફિલ્મમાં પ્રભાસ રામ તરીકે, સૈફ અલી ખાન રાવણ તરીકે, કૃતિ સેનન સીતા તરીકે અને સની સિંહ મુખ્ય ભૂમિકામાં છે. આ ફિલ્મ 12 જાન્યુઆરી, 2023ના રોજ સિનેમાઘરોમાં રિલીઝ થશે.
આ પણ વાંચો:ભાજપના નેતા માવજી દેસાઈ સામે નોંધાઈ છેતરપિંડીની ફરિયાદ
આ પણ વાંચો: જામનગર અને મુંબઈમાંથી 120 કરોડનું MD ડ્રગ ઝડપાયું, એર ઈન્ડિયાના પૂર્વ પાયલોટની ધરપકડ
આ પણ વાંચો:ડોલર સામે રૂપિયામાં રેકોર્ડ ઘટાડો, ઇતિહાસમાં પ્રથમ વખત રૂપિયો 82.20 ની All time Low સપાટીએ
