બંગાળની ખાડીમાંથી ઉદભવેલા ચક્રવાતી તોફાન મિચૌંગે તમિલનાડુમાં ભારે તબાહી મચાવી છે. રસ્તાઓ પાણીમાં ડૂબી ગયા છે અને અત્યાર સુધીમાં પાંચ લોકોના મોતના અહેવાલ છે. જ્યારે સેંકડો કાર અને બાઇક આ વાવાઝોડાનો શિકાર બન્યા છે. મિચૌંગ વાવાઝોડાની અસરને કારણે રવિવારે સવારથી 400 થી 500 મીમી વરસાદ પડી ગયો છે. વરસાદનો આ સમયગાળો હજુ પણ ચાલુ છે. હજારો ઘરોમાં પાણી ભરાઈ ગયા છે અને ચેન્નાઈના રસ્તાઓ પાણીથી ભરાઈ ગયા છે.
મિચૌંગ ચક્રવાતે આઠ વર્ષ પહેલા ચેન્નાઈમાં થયેલા વિનાશની યાદોને તાજી કરી દીધી છે. વર્ષ 2015માં ચેન્નાઈ પ્રલયનો સાક્ષી બન્યો હતો. ત્યારે શહેરમાં 330 મીમી વરસાદ પડયો હતો જેના કારણે શહેર પાણીમાં ડૂબી ગયું હતું પરંતુ હવે 400થી 500 મીમી વચ્ચેના વરસાદે તેનો રેકોર્ડ તોડી નાખ્યો છે. મીડિયા અહેવાલો અનુસાર, ચક્રવાત મિચૌંગ સોમવારે સાંજે ચેન્નઈથી આગળ વધવાનું શરૂ કર્યું ત્યાં સુધીમાં અન્ના સલાઈ સહિત શહેરના ઘણા મહત્વપૂર્ણ રસ્તાઓ પર પાણી ભરાઈ ગયા હતા. જેમાં પલ્લીકરનાઈની એક કોલોનીમાંથી અનેક કાર ધોવાઈ ગઈ હતી.
કહેવામાં આવી રહ્યું છે કે સોમવારે સવારે 3 વાગ્યાથી સાંજના 6 વાગ્યા સુધી સતત વરસાદને કારણે ચેન્નાઈના લગભગ તમામ રસ્તાઓ, રહેણાંક વિસ્તારો, રેલવે સ્ટેશન, એરપોર્ટ અને બસ ટર્મિનલ પર પાણી ભરાઈ ગયા હતા અને નાની નદીઓમાં ફેરવાઈ ગયા હતા. રિપોર્ટ અનુસાર શહેરના તમામ 17 સબવે પાણીમાં ડૂબી ગયા છે જેમાં પાંચ લોકોના મોત થયા છે. મૃતકોમાં પોર્ટેબલ કન્ટેનર ઓફિસમાં ફસાયેલા બે કર્મચારીઓનો પણ સમાવેશ થાય છે જે વેલાચેરીમાં ભૂસ્ખલનને કારણે 50 ફૂટની ખીણમાં લપસી ગયા હતા. આ ઘટનામાં ત્રણ લોકોના જીવ બચી ગયા હતા. જો કે, હજુ સુધી આપત્તિ રાહત એજન્સીઓ બંને લોકોને શોધી શકી નથી.
આ પણ વાંચો:
આ પણ વાંચો:
આ પણ વાંચો:
