BSE સેન્સેક્સ સોમવારે 1,747.08 પોઈન્ટ (3 ટકા) ઘટીને 56,405.08 પર બંધ રહ્યો હતો. NSE નિફ્ટી પણ એ જ રીતે 531.95 પોઈન્ટ (3.06 ટકા) ઘટીને 16,842.80 પર બંધ રહ્યો હતો. સ્થાનિક શેરબજારોમાં લગભગ એક વર્ષમાં આ સૌથી ખરાબ ઘટાડો હતો. અગાઉ 26 ફેબ્રુઆરી, 2021ના રોજ સેન્સેક્સમાં 1,940 પોઈન્ટ્સ અને નિફ્ટીમાં 568 પોઈન્ટનો ઘટાડો થયો હતો. છેલ્લા બે સત્રમાં શેરબજારમાં આવેલા ભારે ઘટાડાથી રોકાણકારોને ઘણું નુકસાન થયું છે. છેલ્લા બે સત્રોમાં વેચાણને કારણે રોકાણકારોને રૂ. 12.43 લાખ કરોડનું નુકસાન થયું છે. ગુરુવારે BSEનું સંયુક્ત માર્કેટ કેપ રૂ. 267.81 લાખ કરોડ હતું, જે સોમવારે ઘટીને રૂ. 255.38 લાખ કરોડ થયું હતું.
આ ત્રણ કારણોને લીધે આ મોટો ઘટાડો આવ્યો છે
1. રશિયા-યુક્રેન વિવાદ: હેમ સિક્યોરિટીઝ હેડ – પીએમએસ મોહિત નિગમે સેન્ટિમેન્ટમાં આ તીવ્ર ઘટાડા વિશે જણાવ્યું હતું કે, “યુક્રેન-રશિયા વચ્ચે વધતો તણાવ, ક્રૂડ ઓઈલના ભાવમાં વધારો અને દાયકામાં સૌથી વધુ ફુગાવાને કારણે યુ.એસ. ફેડ દ્વારા વ્યાજ દરમાં વધારાની અપેક્ષાને કારણે બજારમાં ટૂંકા ગાળા માટે નકારાત્મક સેન્ટિમેન્ટ. પરંતુ અમારું માનવું છે કે યુક્રેનની કટોકટીના કારણે હાલનો ઘટાડો જોવા મળી રહ્યો છે અને તેમાં નરમાઈ આવ્યા બાદ મજબૂતી જોવા મળશે
2. ABG શિપયાર્ડ ફ્રોડ: CBIએ ગયા અઠવાડિયે આ કેસમાં FIR નોંધી હતી. તે દેશની સૌથી મોટી બેંકિંગ છેતરપિંડીમાંથી એક છે. યુક્રેનની કટોકટી તેમજ એબીજી શિપયાર્ડ છેતરપિંડી સંબંધિત વિકાસને કારણે શેરબજારમાં વધુ ઘટાડો થયો હતો. આ છેતરપિંડીના કારણે ખાનગી ક્ષેત્ર અને PSU બેંકો બંનેના શેર પર અસર જોવા મળી હતી. આ કૌભાંડના કારણે સોમવારે નિફ્ટી બેંક 4.18 ટકા તૂટ્યો હતો.
3. FPIsનો ઉપાડ: વિદેશી પોર્ટફોલિયો રોકાણકારો (FPIs) એ ફેબ્રુઆરીના પ્રથમ 11 દિવસમાં રૂ. 14,935 કરોડ ઉપાડ્યા છે. આ રીતે, સતત ચોથા મહિને FPIs વેચનાર રહ્યા છે. તેની અસર સ્થાનિક શેરબજાર પર પણ જોવા મળી રહી છે. FPI રોકાણો વ્યાપકપણે બજારના સેન્ટિમેન્ટને પ્રતિબિંબિત કરે છે
નિફ્ટીના તમામ 50 શેર ગબડ્યા હતા
છેલ્લા બે સેશનમાં નિફ્ટી ઇન્ડેક્સના તમામ 50 શેરો લાલ નિશાન સાથે બંધ થયા હતા. ઈન્ડેક્સ પર છેલ્લા બે સત્રોમાં HDFC લાઈફ ઈન્સ્યોરન્સના શેરમાં સૌથી વધુ 8.04 ટકાનો ઘટાડો જોવા મળ્યો છે. તે પછી એચડીએફસી (7.50 ટકા), સ્ટેટ બેંક ઓફ ઈન્ડિયા (7.46 ટકા) અને ટાટા મોટર્સ (7.18 ટકા) આવે છે. UPL, શ્રી સિમેન્ટ, કોટક મહિન્દ્રા બેંક, JSW સ્ટીલ, ICICI બેંક, ITC, ટેક મહિન્દ્રા, લાર્સન એન્ડ ટુબ્રો, બજાજ ફાઇનાન્સ, અલ્ટ્રાટેક સિમેન્ટ, અદાણી પોર્ટ્સ, ટાટા સ્ટીલ અને મારુતિ સુઝુકીના શેર પાંચ ટકાથી વધુ તૂટ્યા છે.
