@અમિત રૂપાપરા
સુરત શહેરમાં કોરોના વાયરસના પોઝિટિવ કેસોની સંખ્યામાં વધારો થયો છે. તો છેલ્લા 24 કલાકમાં 31 નવા પોઝિટિવ કેસ નોંધાયા છે અને સારવાર દરમિયાન એક વૃદ્ધનું મોત થયું છે. આ વૃદ્ધને ફ્રેક્ચર થયા બાદ નવી સિવિલ હોસ્પિટલમાં દાખલ કરાયા હતા અને 10 દિવસની સારવાર વૃદ્ધનું મોત થયું છે. તો સુરતમાં ટેસ્ટીંગની સંખ્યા પણ વધારવામાં આવી છે. પ્રતિદિન 1000થી 1100 જેટલા કોરોના ટેસ્ટિંગ કરવામાં આવી રહ્યા છે અને લોકોને કોવિડ ગાઈડ લાઈનનું પાલન કરવાનું પણ કહેવામાં આવી રહ્યું છે.
સુરત શહેરમાં કોરોના વાયરસના પોઝિટિવ કેસોની સંખ્યામાં વધારો થઈ રહ્યો છે. ત્યારે હાલ એક્ટિવ કેસની સંખ્યાની વાત કરવામાં આવે તો શહેરમાં એક્ટિવ કેસની સંખ્યા 194 છે અને માર્ચ મહિનામાં 342 જેટલા પોઝિટિવ કેસો નોંધાયા હતા. તો છેલ્લા 24 કલાકમાં કોરોનાના 31 પોઝિટિવ કેસ નોંધાયા છે અને નાનપુરાના એક વૃદ્ધ કે જે સુરતની નવી સિવિલ હોસ્પિટલમાં સારવાર લઇ રહ્યા હતા તેમનું સારવાર દરમિયાન મોત થયું છે. મહત્વની વાત છે કે આ વૃદ્ધને પગમાં ફ્રેક્ચર થયા બાદ નવી સિવિલ હોસ્પિટલમાં દાખલ કરવામાં આવ્યા હતા અને ત્યારબાદ તેમનો કોરોના ટેસ્ટ કરવામાં આવતા રિપોર્ટ પોઝિટિવ આવ્યો હતો અને તેમને હોસ્પિટલમાં દાખલ કરાયા હતા અને 10 દિવસની સારવાર બાદ આ વૃદ્ધનું મોત નીપજ્યું છે.
શહેરમાં કોરોનાના જે કેસ વધી રહ્યા છે તેને લઈને આરોગ્ય વિભાગ પણ એક્ટિવ થયું છે અને કોરોના ટેસ્ટિંગની સંખ્યામાં પણ વધારો કરવામાં આવ્યો છે. સુરત મહાનગરપાલિકા દ્વારા પ્રતિદિન અલગ અલગ હેલ્થ સેન્ટરો પર 1000થી 1100 જેટલા ટેસ્ટ કરવામાં આવી રહ્યા છે. આ ઉપરાંત નાનપુરાના જે વૃદ્ધનું મોત થયું હતું તેમના પરિવારના સભ્યોનો પણ કોરોના ટેસ્ટ કરવામાં આવી રહ્યો છે અને આજુબાજુમાં રહેતા લોકો ને ત્યાં પણ મહાનગરપાલિકા દ્વારા સર્વેની કામગીરી હાથ ધરવામાં આવી છે.
આ પણ વાંચો:વડોદરામાં વધુ એક રામનવમીની શોભાયાત્રામાં પથ્થરમારો, વાહનોમાં પણ તોડફોડ
આ પણ વાંચો:કોર્પોરેટરનું કારસ્તાન,કામગીરીને બદલે દેખાડ્યો રુવાબ
આ પણ વાંચો:રવિન્દ્ર જાડેજાની પત્ની રિવાબા જાડેજાએ અજમાવ્યો બેટિંગ પર હાથ, જુઓ ખાસ ફોટો
આ પણ વાંચો: ઈન્દોરના મંદિર અકસ્માતમાં અત્યાર સુધીમાં 35 લોકોના મોત, 40 ફૂટ ઊંડા પગથિયાંમાંથી રાતભર નીકળ્યા મૃતદેહો
