જમ્મુ અને કાશ્મીરના સોપોરમાં મંગળવારે એક એન્કાઉન્ટર દરમિયાન સુરક્ષા દળોએ એક આતંકવાદીને ઠાર માર્યો હતો. પોલીસે જણાવ્યું કે તુલીબલ વિસ્તારમાં સર્ચ ઓપરેશન ચાલી રહ્યું છે. કાશ્મીર ઝોન પોલીસે ટ્વિટ કરીને આ જાણકારી આપી છે. તેમણે કહ્યું કે એન્કાઉન્ટર અંગે વધુ અપડેટ્સ પણ આપવામાં આવશે.
કુપવાડા જિલ્લામાં સોમવારે સુરક્ષા દળો સાથેની અથડામણમાં બે વધુ આતંકવાદીઓ માર્યા ગયા હતા, જેનાથી ઓપરેશનમાં માર્યા ગયેલા આતંકવાદીઓની સંખ્યા ચાર થઈ ગઈ હતી. જમ્મુ-કાશ્મીરના કુપવાડા, કુલગામ અને પુલવામા જિલ્લામાં છેલ્લા 24 કલાકમાં ત્રણ એન્કાઉન્ટરમાં સાત આતંકવાદીઓ માર્યા ગયા છે.
કુપવાડામાં લશ્કરના 2 આતંકવાદીઓ ઠાર
કુપવાડાના ચંડીગામ લોલાબ વિસ્તારના જંગલોમાં રવિવારે કોર્ડન અને સર્ચ ઓપરેશન દરમિયાન પ્રતિબંધિત લશ્કર-એ-તૈયબાના બે શંકાસ્પદ પાકિસ્તાની આતંકવાદીઓ માર્યા ગયા હતા, પોલીસે જણાવ્યું હતું કે આ એન્કાઉન્ટરમાં લશ્કરના સ્થાનિક આતંકવાદી શૌકત અહેમદ શેખ સહિત ચાર આતંકવાદીઓ માર્યા ગયા છે, જેમાં ત્રણ પાકિસ્તાની આતંકવાદીઓનો પણ સમાવેશ થાય છે.
પોલીસના જણાવ્યા અનુસાર, શોપિયન વિસ્ફોટના સંબંધમાં આ મહિનાની શરૂઆતમાં ધરપકડ કરાયેલા શૌકતના કહેવા પર કુપવાડામાં સર્ચ ઓપરેશન શરૂ કરવામાં આવ્યું હતું, જે દરમિયાન એન્કાઉન્ટર શરૂ થયું હતું. તે પણ એન્કાઉન્ટરમાં ફસાઈ ગયો અને ગોળીબાર દરમિયાન માર્યો ગયો.
આ પણ વાંચો: ભારત બંધના એલાનના પગલે પોલીસનો ચુસ્ત બંદોબસ્ત, જાણો સુરતમાં કેવી છે આંદોલનની અસર
