વાત-વાતમાં બીજાના મામલામાં દખલ આપનાર અને હંમેશા શીખવનાર અમેરિકા પોતાના દેશની બગડેલી હાલત સુધારવા માટે પોતે ગંભીર હોય તેમ જણાતું નથી. ટેક્સાસની ઘટના બાદથી ગેરકાયદે બંદૂકો અને મૃત્યુનો મુદ્દો હેડલાઇન્સમાં છે. આ મામલે સમગ્ર વિશ્વમાં અમેરિકા કલંકિત થયું છે.
હવે વધુ એક ચોંકાવનારો કિસ્સો અમેરિકાના ફ્લોરિડામાંથી સામે આવ્યો છે, જ્યાં બે વર્ષના બાળકે તેના પિતાની ગોળી મારીને હત્યા કરી નાખી. જોકે, પોલીસનું કહેવું છે કે ગોળી ભૂલથી વાગી હતી. માતા-પિતાએ બંદૂકમાં ગોળી ભરીને આ રીતે રાખી હતી. બાળકે બંદૂક હાથમાં લીધી અને ગોળીબાર કર્યો.
પોલીસ અધિકારીઓના જણાવ્યા અનુસાર, તેમને સોમવારે ઈમરજન્સી સર્વિસ નંબર 911 પર કોલ આવ્યો કે ફ્લોરિડામાં એક બાળકે તેના પિતાને ગોળી મારી દીધી છે. જ્યારે અમે ઓર્લાન્ડો નજીક પીડિતાના ઘરે પહોંચ્યા ત્યારે બાળકની માતા મેરી આયલા તેના પતિ રેગી મેબ્રીને CPR (તેના મોં દ્વારા શ્વાસ) આપી રહી હતી. અમે રેગીને હોસ્પિટલ લઈ ગયા, પરંતુ ત્યાં પહોંચતા પહેલા જ તેનું મૃત્યુ થઈ ચૂક્યું હતું. આયલા અને રેગીને ત્રણ બાળકો છે, જેમાં એક પાંચ મહિનાનો સમાવેશ થાય છે.
ડ્રગ કેસમાં પતિ-પત્નીને પેરોલ પર છોડી દેવામાં આવ્યા હતા
પૂછપરછ દરમિયાન, સૌથી મોટા બાળક, જે લગભગ પાંચ વર્ષનો છે, તેણે જણાવ્યું કે તેના પિતા વીડિયો ગેમ રમી રહ્યા હતા ત્યારે તેના બે વર્ષના ભાઈએ તેને પાછળથી ગોળી મારી હતી. પોલીસે જણાવ્યું કે બંદૂક એક થેલીમાં રાખવામાં આવી હતી, જેને બાળકે બહાર કાઢી અને રમતિયાળ રીતે ટ્રિગર દબાવ્યું. ઘટના સમયે રેગી તેના કમ્પ્યુટર પર વીડિયો ગેમ રમી રહ્યો હતો. જ્યારે ઘટના બની ત્યારે પરિવારના પાંચેય સભ્યો એક જ રૂમમાં હાજર હતા. પોલીસના જણાવ્યા અનુસાર, રેગી અને તેની આયલા ડ્રગ્સના ઉપયોગ માટે જેલમાં બંધ હતા અને બંનેને તાજેતરમાં પેરોલ પર મુક્ત કરવામાં આવ્યા હતા.
આ પણ વાંચો:હાર્દિકના પોસ્ટરને કાળી શાહી લગાવનાર ધનજી પાટીદારની ગાડી સળગાવી, પાટીદાર રાજકારણમાં ગરમાવો
આ પણ વાંચો:પતિ સાથે ઝગડો થતાં યુવતી મામાના ઘરે ગઇ, અને મામાએ જમવામાં દવા ભેળવી કર્યું કુકર્મ
આ પણ વાંચો:શિક્ષણમંત્રી જીતુ વાઘાણીની જાહેરાત, ધોરણ-1 થી 3માં તમામ માધ્યમમાં અંગ્રેજી વિષય ભણાવાશે
