બનાસકાંઠા જિલ્લાની વાવ વિધાનસભા બેઠકનું રાજકીય સમીકરણ ગુજરાતની અન્ય બેઠકો જેવું જ છે. ગુજરાત વિધાનસભા ચૂંટણી 2017 દરમિયાન આ બેઠક પર કોંગ્રેસ પાર્ટીના ઠાકોર ગનીબેન નાગાજીએ ભારતીય જનતા પાર્ટીના ચૌધરી શંકરભાઈ લગધીરભાઈને 6655 મતોના માર્જિનથી હરાવ્યા હતા. બનાસકાંઠા સંસદીય મતવિસ્તારના ભાજપના સાંસદ પરબતભાઈ પટેલ છે જેમણે લોકસભા ચૂંટણીમાં INC ના ગબલાભાઈ ભટોળને 368296 મતોથી હરાવ્યા હતા.
2017ની ગુજરાત વિધાનસભાની ચૂંટણીમાં કોંગ્રેસના ઉમેદવારને કુલ 102,328 મત મળ્યા હતા, જે કુલ મતોના 49.0 ટકા હતા. જ્યારે ભાજપના ઉમેદવારને 95,673 મત મળ્યા જે 45.82 ટકા હતા. તે જ સમયે, ત્રીજા નંબરે NOTA માટે મતદાન થયું હતું, જે 1.8 ટકા હતું. જોકે, 2012ની વિધાનસભા ચૂંટણીમાં ભાજપે કોંગ્રેસને હરાવ્યું હતું. 2007માં પણ આ સીટ ભાજપે જીતી હતી. આ સીટ 2002માં કોંગ્રેસના ઉમેદવારે જીતી હતી.
શું છે વાવ વિધાનસભાના મતદાનનું વલણ
2011ની વસ્તી ગણતરી મુજબ, 3,69,497 મતદારો છે, જેમાંથી 94% થી વધુ ગ્રામીણ વિસ્તારોમાં રહે છે. જ્યારે માત્ર 5.93 ટકા લોકો શહેરી વિસ્તારોમાં રહે છે. આ વિસ્તારમાં અનુસૂચિત જાતિની વસ્તી 14.01 ટકા છે જ્યારે અનુસૂચિત જનજાતિની વસ્તી 0.65 ટકા છે. 2017ની વિધાનસભા ચૂંટણીમાં વાવ બેઠક પર લગભગ 81.22 ટકા મતદાન થયું હતું. અહીં પછાત વર્ગના લોકોનો મત નિર્ણાયક છે.
જો ચૂંટણી વિશ્લેષકોનું માનીએ તો અરવિંદ કેજરીવાલની પાર્ટી AAP પણ ગુજરાત વિધાનસભા ચૂંટણી 2022માં મેદાનમાં છે. તેથી ગુજરાતની ઘણી વિધાનસભા બેઠકો પર સ્પર્ધા રસપ્રદ બની શકે છે. તાજેતરમાં પૂર્ણ થયેલી નાગરિક ચૂંટણીમાં AAP દ્વારા મળેલા મતોથી પાર્ટી ઉત્સાહિત છે. વાવ વિધાનસભા બેઠકની વાત કરીએ તો અહીં મુખ્ય મુકાબલો કોંગ્રેસ અને ભાજપ વચ્ચે છે. જો કે આ વખતે ચૂંટણીમાં ટ્વિસ્ટ આવી શકે છે.
વાવ બેઠક પર ઠાકોર અને ચૌધરી મતદારોનું પ્રભુત્વ છે. જેમાં ચૌધરી સમાજ મોટા ભાગે ભાજપ તરફી જ્યારે ઠાકોર વોટબેંક પર કોંગ્રેસ પક્કડ ધરાવે છે. આ બે મોટા સમુદાય જે બાજુ ઢળે એ બાજુ જીતનું પલ્લુ નમે છે. જોકે અહીં એક અનોખી વાત એ પણ જોવા મળી રહી છે કે, લોકસભા અને વિધાનસભામાં પરિણામ એકબીજાથી વિપરીત હોય છે.
વાવ બેઠક પર કોંગ્રેસની મજબૂત પકડ છે. અહીં વર્ષ 1967થી 2017 સુધી કુલ 12 ચૂંટણો યોજાઈ ચુકી છે અને આ 12 ચૂંટણીમાંથી 7 વખત કોંગ્રેસે જીતનો પરચમ લહેરાવ્યો છે. આ વાતને વિગતવાર સમજવા માટે ચાલો વર્ષ 1997થી 2017 સુધીના વિધાનસભા ચૂંટણીના પરિણામો પર એક નજર કરીએ.
વાવની વિધાનસભા બેઠક પર મોટાભાગે કોંગ્રેસનુ પ્રભુત્વ જોવા મળ્યું છે. જો કે ભાજપ પણ અહીં શાસન કરવામાં ક્યારેય પાછી પડી નથી. ઉલ્લેખનીય છે કે આ વર્ષે આમ આદમી પાર્ટી અને AIMIM પણ ગુજરાત વિધાનસભા ચૂંટણીમાં ઝંપલાવી રહી છે.
વાવ વિધાનસભાને આંકડાઓમાં સમજો
- કોંગ્રેસે 2017ની ચૂંટણીમાં 6655 મતોથી જીત મેળવી હતી
- 2017માં કોંગ્રેસના ઉમેદવારને 49.0 ટકા વોટ મળ્યા હતા
- 2017માં ભાજપના ઉમેદવારને 45.82 ટકા વોટ મળ્યા હતા
- 2011ની વસ્તી ગણતરી મુજબ 3,69,497 મતદારો છે.
- 2017ની વિધાનસભામાં 81.22 ટકા મતદાન નોંધાયું હતું
આ પણ વાંચો:NDAના ઉપરાષ્ટ્રપતિના ઉમેદવાર તરીકે આ નેતા પર લાગી શકે છે મોહર!જાણો
આ પણ વાંચો: પિતા-પુત્રીની જોડીએ રચ્યો ઇતિહાસ, પહેલીવાર એરફોર્સમાં સાથે ઉડાન ભરી
આ પણ વાંચો:આવી સાવિત્રી ના જોઈએ, વિધર્મી પતિના કહેવાથી પત્નીએ માર્યા 500 બ્લેડના ઘા
