કેન્દ્રીય આરોગ્ય મંત્રાલયે શનિવારે કહ્યું હતું કે ભારતે માત્ર 99 દિવસમાં કોરોના રસીના 14 કરોડ ડોઝ આપ્યા છે. આ રસીકરણ ની ગતિ વિશ્વમાં સૌથી વધુ છે. મંત્રાલયે કહ્યું કે રસીના 24 લાખથી વધુ ડોઝ શનિવારે રાત્રે 8 વાગ્યા સુધી આપવામાં આવ્યા હતા. અંતિમ આંકડા મુજબ, દેશમાં અત્યાર સુધીમાં કુલ 14 કરોડ 8 લાખ 2 હજાર 794 ડોઝ કોવિડ રસી આપવામાં આવી છે.
આરોગ્ય કર્મચારીઓમાં 92 લાખ 89 હજાર 621 ને પ્રથમ ડોઝ અને 59 લાખ 94 હજાર 401 ને બીજી ડોઝ આપવામાં આવ્યો છે. ફ્રન્ટ લાઇન વર્કર્સમાં, 1,19,42,233 ને પ્રથમ ડોઝ અને 62,77,797 ને બીજો ડોઝ આપવામાં આવ્યો હતો.
45 થી 60 વર્ષની વય જૂથમાં, પ્રથમ ડોઝ 4,76,41,992 અને બીજો ડોઝ 23,22,480 આપવામાં આવ્યો હતો. 60 વર્ષથી વધુ વયના, 4,96,32,245 લોકોને પ્રથમ ડોઝ અને 77,02,025 ને બીજો ડોઝ આપવામાં આવ્યો હતો.
દિલ્હીવાસીઓ સાવધાન ! / રાજધાનીમાં વધુ એક અઠવાડિયા સુધી વધી શકે છે લોકડાઉન, આજે જાહેર થઇ શકે છે ….
