કોમેડિયન કપિલ શર્માની કેટલીક તસવીરો સામે આવી છે, જેમાં તે વ્હીલચેરમાં બેઠેલો જોવા મળી રહ્યો છે. કપિલ શર્માની આ તસવીરો એરપોર્ટથી સામે આવી છે જેમાં હાસ્ય કલાકાર વ્હીલચેર પર બેઠેલો જોવા મળે છે અને એક વ્યક્તિ તેની વ્હીલચેર પકડીને ચાલતો નજરે પડે છે. કપિલ શર્મા સાથે શું થયું છે અને તે કેમ વ્હીલચેરમાં છે તે હજુ બહાર આવ્યું નથી. કપિલને વ્હીલચેરમાં જોઇને તેના ચાહકો પરેશાન થઈ જાય છે, અને તે જાણવા માંગે છે કે આખરે તેના પ્રિય કોમેડિયન સાથે શું થયું છે.
કપિલ શર્મા તાજેતરમાં જ પુત્રના પિતા બન્યા છે, કપિલે તેના સોશિયલ મીડિયા એકાઉન્ટ પરથી આ ખુશખબર શેર કરી છે. કપિલ અને ગિન્નીની એક પુત્રી અનાયરા પણ છે, કપિલ અને ગિન્ની બીજી વાર માતા-પિતા બન્યા છે. કપિલ શર્માએ ટ્વીટ કર્યું હતું કે, ‘નમસ્કાર, આજે સવારે અમને ભગવાનના આશીર્વાદ રૂપે એક પુત્ર મળ્યો છે, ભગવાનની કૃપાથી બાળક અને માતા બંને સ્વસ્થ છે, તમારા પ્રેમ અને પ્રાર્થના માટે આભાર. ગિન્ની અને કપિલ.
આપને જણાવી દઈએ કે ડિસેમ્બર 2019 માં કપિલ અને ગિન્નીની પહેલી સંતાન-પુત્રી અનાયરાનો જન્મ થયો હતો. ગયા વર્ષે જાન્યુઆરીમાં, હાસ્ય કલાકારે અનાયરાની તસવીરો ટ્વિટર પર શેર કરી હતી.
આ સાથે, આપને જણાવી દઈએ કે કપિલ શર્માની પુત્રી અનારયા 10 ડિસેમ્બરે એક વર્ષની થઇ છે. જેથી તેનો નાનો ભાઈ તેના કરતા માત્ર એક વર્ષ નાનો છે. કપિલ અને ગીન્નીએ ડિસેમ્બર 2018માં લગ્ન કર્યા હતા, ગિન્ની ગર્ભવતી હોવાના સમાચાર જુલાઈમાં બહાર આવ્યા હતા. કપિલ દ્વારા પાછળથી તેની પુષ્ટિ કરવામાં આવી હતી.
