નાસાના હબલ સ્પેસ ટેલિસ્કોપે ખગોળશાસ્ત્રીઓ દ્વારા અત્યાર સુધીના સૌથી મોટા બર્ફીલા ધૂમકેતુની પુષ્ટિ કરી છે. આ ખાસ ધૂમકેતુ સૂર્યની ખૂબ નજીક મળી આવ્યો છે. જેનું દળ (અવકાશમાં વજન) 500 ટ્રિલિયન ટન છે. જે સામાન્ય રીતે જોવા મળતા ધૂમકેતુ દળ કરતા લગભગ એક મિલિયન ગણો વધારે છે.
ખુબ મોટો છે આ ધૂમકેતુ
નાસાએ જાહેર કર્યું કે આ ધૂમકેતુનો અંદાજિત વ્યાસ 80 માઈલથી વધુ હોઈ શકે છે. જેનો અર્થ છે કે તે યુએસ રાજ્ય રોડ આઇલેન્ડ કરતા પણ મોટો છે. નાસાનું કહેવું છે કે ધૂમકેતુનું કદ અત્યાર સુધીના તમામ ધૂમકેતુઓ કરતાં લગભગ 50 ગણું મોટું છે.
પૃથ્વીની નજીક આટલી ઝડપથી
યુએસ સ્થિત સ્પેસ એજન્સી નાસાએ વધુમાં જણાવ્યું કે ધૂમકેતુ, C/2014 UN271 ‘Bernardinelli-Bernstein’ 22,000 mph (35,200 kmph)ની ઝડપે પૃથ્વી તરફ આગળ વધી રહ્યો છે. જો કે, ચિંતા કરવાની જરૂર નથી કારણ કે તે ગ્રહની નજીક નહીં જાય. નાસાએ કહ્યું કે, ‘ આ સુર્યથી લગભગ 1 અરબ માઈલ સુધીના અંતર પર આવશે તો પણ તે નષ્ટ થઈ જશે, કહીએ તો શનિથી થોડા જ અંતરે તે નષ્ટ થઈ જશે.
આ ધૂમકેતુ હિમશિખરની ટોચ છે
આ ધૂમકેતુ શાબ્દિક રીતે હજારો ધૂમકેતુઓ માટે હિમશિખરની ટોચ છે જે સૂર્યમંડળના વધુ દૂરના ભાગોમાં ભાગ્યે જ જોવા મળે છે, નાસાએ ડેવિડ ઝ્વિટને ટાંકીને જણાવ્યું હતું. જણાવી દઈએ કે ડેવિડ ઝ્વિટ યુનિવર્સિટી ઓફ કેલિફોર્નિયા, લોસ એન્જલસ (UCLA)માં ગ્રહ વિજ્ઞાન અને ખગોળશાસ્ત્રના પ્રોફેસર છે. તેઓ ધ એસ્ટ્રોફિઝિકલ જર્નલ લેટર્સમાં નવા અભ્યાસના સહ-લેખક પણ છે.
આ પણ વાંચો: પંજાબના પૂર્વ મુખ્યમંત્રી ચન્નીની મુશ્કેલીઓ વધી, EDએ 6 કલાક સુધી પૂછ્યા સવાલ-જવાબ, જાણો સમગ્ર મામલો
આ પણ વાંચો: રાજ ઠાકરે બાદ હવે ફડણવીસે NCP ચીફ શરદ પવાર પર નિશાન સાધ્યું, લગાવ્યા આ ગંભીર આરોપ
