દેશમાં આગામી સમયમાં 2-3 મહિનાની અંદર લોકસભા ચૂંટણી યોજાવાની છે. લોકસભા ચૂંટણી પહેલા જ NDA માટે સારા સમાચાર આવ્યા છે. ચૂંટણી સમયે તમામ પાર્ટીઓને વિવિધ સંસ્થાઓ અને કંપનીઓ તરફથી ફંડ મળે છે. ત્યારે ચૂંટણીના થોડા સમય પહેલા જ NDAની તિજોરી ભરાઈ ગઈ છે. NDAને ગત વર્ષની સરખામણીમાં 444 કરોડ રૂપિયા વધુ ફંડ મળ્યું છે. એટલે કે 2022-23માં ભાજપને મળનારી કુલ રકમ 23% વધીને લગભગ 2,361 કરોડ રૂપિયા થઈ ગઈ છે. આ નાણામાંથી 54%, એટલે કે લગભગ રૂ. 1278 કરોડનું ફંડ ચૂંટણી બોન્ડ દ્વારા આવ્યું છે. તે જ સમયે, પાર્ટીનો ખર્ચ પણ 59% વધીને 1361 કરોડ રૂપિયા થઈ ગયો છે. ગયા વર્ષે આ ખર્ચ રૂ. 854 કરોડ હતો.
ચૂંટણી પંચ દ્વારા જાહેર કરાયેલા 2022-23 માટે ભાજપના વાર્ષિક ઓડિટ રિપોર્ટ અનુસાર, પાર્ટીને ચૂંટણી બોન્ડમાંથી રૂ. 1,294 કરોડ મળ્યા છે, જે ગયા વર્ષના રૂ. 1,033.7 કરોડ કરતાં 25% વધુ છે. વ્યક્તિઓ, કંપનીઓ અને ચૂંટણી ટ્રસ્ટના દાન સહિત અન્ય સ્ત્રોતોમાંથી મળેલ દાન કુલ રૂ. 648 કરોડ છે. જે ગયા વર્ષના રૂ. 721.7 કરોડ કરતાં ઓછું છે. તે જ સમયે, લાઇફટાઇમ સપોર્ટ ફંડમાંથી મળેલું દાન ગયા વર્ષના રૂ. 19.9 કરોડથી વધીને 2022-23માં રૂ. 177.2 કરોડ થયું છે. 2022-23માં બેંકો પાસેથી કુલ વ્યાજની કમાણી રૂ. 237.3 કરોડ હતી, જે ગયા વર્ષે રૂ. 133.3 કરોડના વ્યાજ કરતાં ઘણી વધારે છે.
NDA પાર્ટીએ 2022-23માં કુલ ખર્ચના 80% ખર્ચ ચૂંટણીના પ્રચાર માટે કર્યો હતો. એ સમયે ચૂંટણીના સામાન્ય પ્રચાર પર રૂ. 1,092 કરોડથી વધુનો ખર્ચ કરવામાં આવ્યો હતો, જ્યારે 2021-22માં રૂ. 645.8 કરોડનો ખર્ચ કરવામાં આવ્યો હતો. જેમાં જાહેરાત અને પ્રચાર પાછળ 844 કરોડ રૂપિયા અને પ્રવાસ પર 132 કરોડ રૂપિયા ખર્ચવામાં આવ્યા હતા.
તેની સરખામણીમાં, 2022-23 દરમિયાન કોંગ્રેસની કુલ આવક 2021-22માં રૂ. 541 કરોડથી ઘટીને રૂ. 452 કરોડ થઈ હતી, જ્યારે તેનો ખર્ચ એક વર્ષ અગાઉ રૂ. 400 કરોડથી વધીને રૂ. 467 કરોડ થયો હતો. 2022-23માં ઈલેક્ટોરલ બોન્ડ્સ દ્વારા તેની ફાળાની રસીદ ઘટીને રૂ. 171 કરોડ થઈ હતી, જે તેની કુલ દાનની રસીદોના 63% અને તેની કુલ આવકના 38% છે, જે 2021-22માં રૂ. 236 કરોડ હતી. અન્ય પક્ષો દ્વારા દાખલ કરવામાં આવેલા 2022-23 માટેના ઓડિટ અહેવાલો અનુસાર, CPMની કુલ રસીદ રૂ. 141.6 કરોડ, AAPની રૂ. 85.1 કરોડ, BSPની રૂ. 29.2 કરોડ અને NPPની રૂ. 7.5 કરોડ હતી.
આ પણ વાંચો :uttarakhand/હલ્દવાણીમાં બબાલ વધી, આગચંપી વચ્ચે કર્ફ્યુ, જોતાં જ ગોળી મારવાનો આદેશ
આ પણ વાંચો :uttarakhand/હિંસા બાદ હલચલ તેજ, CM ધામીએ દેહરાદૂનમાં બોલાવી બેઠક
