સંસદનું બજેટ સત્ર ચાલી રહ્યું છે. નાણામંત્રી નિર્મલા સીતારમણે મંગળવારે લોકસભામાં બજેટ-2022 રજૂ કર્યું. બીજા દિવસે બુધવારે સ્વાસ્થ્ય મંત્રી મનસુખ માંડવિયા સંસદની કાર્યવાહીમાં હાજરી આપવા માટે અલગ રીતે ગૃહ પહોંચ્યા હતા. સ્વાસ્થ્ય મંત્રી સંસદ પરિસરમાં સાઇકલ ચલાવતા જોવા મળ્યા હતા. સામાન્ય રીતે નેતાઓ વિશે એવું માનવામાં આવે છે કે તેઓ મોંઘા અને લક્ઝરી વાહનોના શોખીન છે અને તેઓ મોંઘા વાહનોમાં મુસાફરી કરવાનું પસંદ કરે છે પરંતુ મનસુખ માંડવિયા એક એવા નેતા હોવાનું કહેવાય છે જે ખૂબ જ સાદગી પસંદ કરે છે. મફલર પહેરેલા અને સામાન્ય માણસની જેમ માસ્ક પહેરેલા માંડવિયાને જોઈને સુરક્ષાકર્મીઓ પણ આશ્ચર્યચકિત થઈ ગયા હતા.
આ પણ વાંચો :જમ્મુમાં વરસાદ, દિલ્હીમાં ઠંડી-ધુમ્મસ, જાણો કેવું રહેશે તમારા શહેરનું હવામાન….
રાહુલ ગાંધી પણ સાઈકલ પર પહોંચ્યા હતા સંસદ
ગત ઓગસ્ટમાં ચોમાસુ સત્ર દરમિયાન કોંગ્રેસના નેતા રાહુલ ગાંધી પણ સાઇકલ પર સંસદ ભવન પહોંચ્યા હતા. તે સમયે રાહુલ એકલા નહોતા પરંતુ કોંગ્રેસ અને વિરોધ પક્ષોના અન્ય નેતાઓ પણ સાઇકલ પર સંસદ ભવન આવ્યા હતા. સાઇકલના પૈડાં આગળ ગેસ સિલિન્ડરના ભાવ અને તેલના ભાવ અંગેના પ્લેકાર્ડ લગાવવામાં આવ્યા હતા. થોડા સમય પહેલા રાહુલ ખેડૂતોની સમસ્યાઓ તરફ સરકારનું ધ્યાન દોરવા ટ્રેક્ટર દ્વારા સંસદ ભવન પહોંચ્યા હતા.
ઓટો રિક્ષામાં ઘરે ગયા હતા જ્ઞાનેશ્વર પાટીલ
સમયાંતરે નેતાઓ પોતાની સાદગી વડે લોકોનું ધ્યાન ખેંચતા રહ્યા છે. વડાપ્રધાન નરેન્દ્ર મોદી ચોમાસુ સત્ર દરમિયાન જ પોતાની છત્રી લઈને જોવા મળ્યા હતા. તેમની આ તસવીર સોશિયલ મીડિયા પર વાયરલ થઈ, લોકોએ તેમની સાદગીના વખાણ કર્યા. ગયા વર્ષે ડિસેમ્બરમાં, જ્યારે ખંડવા બુરહાનપુરના સાંસદ જ્ઞાનેશ્વર પાટીલ શિયાળુ સત્રમાં હાજરી આપીને બુરહાનપુર પહોંચ્યા ત્યારે તેમણે ઘરે જવા માટે ખાનગી વાહનને બદલે ઓટો રિક્ષા પસંદ કરી હતી. પાટીલ જાહેર પરિવહનના ઉપયોગને પ્રોત્સાહન આપવા માટે ઓટો રિક્ષામાં તેમના ઘરે ગયા હતા. તેમની સાથે તેમની પત્ની અને સુરક્ષાકર્મીઓ પણ હતા.
આ પણ વાંચો : દેશમાં આજે કોરોનાનાં 1.61 લાખ કેસ નોંધાયા, સંક્રમણ દર 9.26 %
આ પણ વાંચો :કોંગ્રેસે મણિપુર વિધાનસભા ચૂંટણી માટે 10 ઉમેદવાર યાદી જાહેર કરી
આ પણ વાંચો :મનરેગાના બજેટમાં ઘટાડો ગરીબોને ગંભીર મુશ્કેલીમાં મૂકી દેશે-ઓડિશાના મુખ્યમંત્રી નવીન પટનાયક
આ પણ વાંચો :દિલ્હીમાં ગેંગરેપ કેસમાં 12 આરોપીની કરવામાં આવી ધરપકડ,જાણો વિગત
