બિહાર વિધાનસભાની ચૂંટણી 2020 માં રાષ્ટ્રીય લોકતાંત્રિક જોડાણ (એનડીએ) સ્પષ્ટ બહુમતી સાથે સરકાર રચી રહેલી હોવાનું જોવામાં આવી રહ્યું છે. પરિણામમાં પ્રારંભિક વલણો બદલાઇ ગયા છે. બિહારમાં ફરી એકવાર એક્ઝિટ પોલ ખોટો સાબિત થાય તેમ લાગે છે. ભાજપ – જેડીયુ ગઠબંધન બિહારના મતદારોમાં લોકપ્રિયતા મેળવી રહ્યું હોય તેવું લાગે છે. પ્રારંભિક વલણોમાં બિહારના લોકો દ્વારા વડા પ્રધાન નરેન્દ્ર મોદી અને બિહારના મુખ્ય પ્રધાન નીતીશ કુમારની જોડીને સ્વીકારવામાં આવી છે.
તમને જણાવી દઈએ કે વડા પ્રધાન નરેન્દ્ર મોદીએ બિહાર વિધાનસભાની ચૂંટણીમાં કુલ 12 રેલીઓ કરી હતી. તેમણે સાસારામ, ગયા, ભાગલપુર, દરભંગા, મુઝફ્ફરપુર, પટણા, છપરા, પૂર્વ ચાંપારણ, સમસ્તીપુર, પશ્ચિમ ચંપારણ, સહર્ષ અને ફરબીસગંજમાં ચૂંટણી સભાઓને સંબોધન કર્યું અને એનડીએના ઉમેદવારની તરફેણમાં મત માંગ્યા હતા. વડા પ્રધાન નરેન્દ્ર મોદીએ જ્યાં રેલી કાઢી છે, ત્યાં એનડીએના ઉમેદવારો મોટાભાગના સ્થળોએ જીતતા જોવા મળે છે.
દરભંગાની વાત કરીએ તો હાલમાં એનડીએને દસમાંથી નવ બેઠકો ઉપર લીડ મળી રહી છે. ભાજપના ઉમેદવાર સુરેશકુમાર શર્મા પણ મુઝફ્ફરમાં આગળ છે. આ સિવાય પટણાની મોટાભાગની બેઠકો ઉપર ભાજપ-જેડીયુ ગઠબંધનની લીડ છે. સહર્ષ બેઠક વિશે વાત કરીએ તો ભાજપના આલોક રંજન આરજેડીના બહુ પ્રિય ઉમેદવાર લવલી આનંદથી આગળ છે.
આપને જણાવી દઈએ કે @1300 વાગ્યાનાં સુમેરે જેડીયુ-ભાજપ ગઠબંધન 128 બેઠકો પર આગળ છે. તે જ સમયે, આરજેડી-કોંગ્રેસ ગઠબંધન 102 બેઠકો પર વિજય મેળવવાની તૈયારીમાં છે. આ સિવાય એલજેપી ચાર બેઠકો પર આગળ છે અને અન્ય નવમાં આગળ છે.
