Lifestyle: શિયાળો (Winter) શરૂ થઈ ગયો છે. ઠંડીથી બચવા માટે, લોકો ધીમે ધીમે તેમના જાડા ધાબળા અને રજાઈ (Blankets and Quilts) કાઢવાનું શરૂ કરશે. જ્યારે ઘણા મહિનાઓ પછી ધાબળા બહાર કાઢવામાં આવે છે, ત્યારે તેમાંથી ઘણીવાર જૂની, અજીબ ગંધ (Smell) આવે છે અને ક્યારેક ગંદા પણ થઈ જાય છે. ગંધ દૂર કરવા અને તેમને સ્વચ્છ રાખવા માટે, ધાબળા અને રજાઈને કાં તો ધોવા પડે છે અથવા ડ્રાય ક્લીનિંગ (Washing or Dry Cleaning)ની જરૂર પડે છે. ધોયા પછી પણ તેઓ શિયાળામાં ઝડપથી સુકાતાં નથી, અને ડ્રાય ક્લીનિંગમાં તમારા ઘણા નાણા ખર્ચાઇ શકે છે. અહિં અમે લઇને આવ્યા છીએ કેટલાક ઉપાયો! આ ટિપ્સ (Tips) તમને ગંદા અને દુર્ગંધવાળા ધાબળા સાફ કરવામાં મદદરુપ થઇ શકે છે.

ગંદા ધાબળા સાફ કરવા માટે આ ટિપ્સ અજમાવો

તડકામાં સૂકવવાં

જો તમારા ધાબળા અથવા રજાઇમાંથી ગંધ આવતી હોય, તો તમે તેને દૂર કરવા માટે સૂર્યપ્રકાશ (Sunlight)નો ઉપયોગ કરી શકો છો. ધાબળાને થોડા સમય માટે તડકામાં સૂકવવાથી ભેજ અને બેક્ટેરિયા દૂર થાય છે.

બેકિંગ સોડા છાંટવો

ધાબળાને ધોયા વિના તેને સાફ કરવા માટે, તેના પર બેકિંગ સોડા (Baking Soda) છાંટવો અને તેને 15-20 મિનિટ માટે રહેવા દેવા. પછી, ધાબળાને સારી રીતે ઝાટકો અથવા વેક્યુમ કરો. બેકિંગ સોડા ગંદકી, ધૂળ અને ગંધને શોષી લે છે.

વિનેગર સ્પ્રે

જો તમારા જાડા કમ્ફર્ટર અથવા તો ધાબળામાં દુર્ગંધ આવતી હોય, તો સફેદ વિનેગર (White Vinegar)નો ઉપયોગ કરો. એક સ્પ્રે બોટલમાં સિરકો અને પાણી સમાન પ્રમાણમાં મિક્સ કરો અને થોડું સ્પ્રે કરો. પછી, ધાબળાને તડકામાં અથવા સારી રીતે હવાની અવરજવરવાળી જગ્યાએ સૂકવવા દો. વિનેગર માત્ર ગંધ દૂર કરતું નથી પણ તેને તાજગી પણ આપે છે.

કપૂરનો ઉપયોગ કરો

કપૂર (Camphor)ની ગોળીઓને કપડામાં લપેટીને ધાબળાના કવરમાં થોડા કલાકો સુધી રાખવાથી ધાબળાની ગંધ અને ભેજ દૂર થાય છે. આ પ્રક્રિયા ધાબળાને સારી સુગંધ આપવામાં પણ મદદ કરે છે.

આ પણ વાંચો: અઠવાડિયામાં કેટલી વાર સાબુથી નહાવું જોઇએ? દરરોજ નહાવાથી સ્કિન થશે ખરાબ…!

આ પણ વાંચો: ઘરની ભીંતો પર ફૂગ જામવાથી થઇ શકે છે જોખમી બીમારીઓ, જાણીએ મોલ્ડ એલર્જી અને બચાવની ટિપ્સ…

આ પણ વાંચો: ચોમાસામાં કીડીઓને મારશો નહિં, મેળવો છૂટકારો આ ઉપાયથી, રસોડાથી માંડીને બાલ્કની સુધી કયાંય નજરે નહિં ચઢે