કુખ્યાત ગેંગસ્ટર શરદ મોહોલની મહારાષ્ટ્રના પુણેમાં દિવસે દિવસે ગોળી મારીને હત્યા કરવામાં આવી હતી. આ ઘટના શુક્રવારે બની હતી. કહેવામાં આવી રહ્યું છે કે કુખ્યાત ગેંગસ્ટર શરદ મોહોલ પર પુણેના કોથરુડ વિસ્તારના સુતારદારમાં અજાણ્યા હુમલાખોરોએ ટુ-વ્હીલર પર હુમલો કર્યો હતો. આ ઘટનામાં શરદ મોહોલને ત્રણ ગોળી વાગી હતી. ફાયરિંગ બાદ શરદ મોહલનું સારવાર દરમિયાન મોત થયું હતું. બપોરે 1.30 વાગ્યાની આસપાસ ત્રણથી ચાર લોકોએ મોહોલ પર ગોળીબાર કર્યો હતો. વરિષ્ઠ પોલીસ નિરીક્ષક હેમંત પાટીલે જણાવ્યું કે, હુમલાખોરોને શોધવા માટે પોલીસ ટીમો મોકલવામાં આવી છે.
ગેંગ વોરમાં ગોળીબાર
ગેંગ વોરના કેસમાં આ ફાયરિંગ થયું હોવાનું પ્રાથમિક રીતે સામે આવ્યું છે. પુણે પોલીસે આ મામલે વધુ તપાસ હાથ ધરી છે. શરદ મોહોલ વિરુદ્ધ પુણેના અલગ-અલગ પોલીસ સ્ટેશનમાં ઘણા ગંભીર ગુના નોંધાયેલા છે. દરમિયાન કેટલાક ગુનામાં કોર્ટે મોહોલને નિર્દોષ છોડી મુક્યો હતો.
અનેક ગંભીર કલમો હેઠળ કેસ નોંધવામાં આવ્યા હતા
ગોળીથી ઘાયલ શરદને સારવાર માટે કોથરૂડની ખાનગી હોસ્પિટલમાં દાખલ કરવામાં આવ્યો હતો. ગેંગસ્ટર શરદ મોહોલ સામે 15 ગંભીર કલમો હેઠળ કેસ નોંધવામાં આવ્યો હતો. તેના પર જૂન 2012માં ઇન્ડિયન મુજાહિદ્દીનના શંકાસ્પદ સભ્ય અને આતંકવાદી શંકાસ્પદ કતીલ સિદ્દીકીની હત્યાનો આરોપ મૂકવામાં આવ્યો હતો અને બાદમાં જૂન 2019માં તેને નિર્દોષ જાહેર કરવામાં આવ્યો હતો.
લગ્નની વર્ષગાંઠ પર હત્યા
કહેવામાં આવી રહ્યું છે કે આજે શરદ મોહોલના લગ્નની વર્ષગાંઠ પણ છે. બાઇક સવાર બદમાશોએ શરદને જોતાની સાથે જ ગોળીઓ ચલાવવાનું શરૂ કરી દીધું હતું અને વારદાત આચરીને ફરાર થઇ ગયા હતા. હાલ પોલીસ આ મામલે તપાસ કરી રહી છે.
Gangster Sharad Mohol
આ પણ વાંચો:hijacked ship/અરબી સમુદ્રમાં જહાજનું અપહરણ, ભારતીય નૌકાદળે INS મોકલી કરી મદદ
આ પણ વાંચો:NAGPUR/પ્રથમ વખત આ રાજદ્વારીઓએ RSS હેડક્વાર્ટરની લીધી મુલાકાત! જાણો કેમ…
Naya Yatra
આ પણ વાંચો:#ISROMissions/ઈસરોને મળી મોટી સફળતા, ફ્યુઅલ સેલ ટેક્નોલોજીનું સફળ પરીક્ષણ, જાણો શા માટે તે મહત્વનું છે
