કોરોનાની બીજી લહેરમાં સૌથી ચિંતાજનક બાબત એ છે કે મોટી સંખ્યામાં બાળકોને તેનો ચેપ લાગ્યો છે. તેમા પણ ફક્ત કર્ણાટક જેવા રાજ્યમાં છેલ્લા બે મહિનામાં ૪૦ હજારથી વધુ બાળકોમાં કોરોનાનો ચેપ લાગ્યો છે. આ બાળકોની ઉંમર ૯ વર્ષથી ઓછી છે.
પ્રાપ્ત માહિતી મુજબ દેશમાં ભાગ્યે જ કોઈ એવું રાજ્ય હશે કે જ્યાં કોરોના વાયરસની બીજી લહેરની અસર જોવા નાં મળી હોય. જેમાં ઉત્તર પ્રદેશ, મહારાષ્ટ્ર, છત્તીસગઢ સહિત અનેક રાજ્યોમાં કોરોના ચેપના તમામ જૂના રેકોર્ડ તૂટી ગયા છે. જો કે છેલ્લા કેટલાક દિવસોમાં કેસોમાં ઘટાડો થયો છે. તેમ છતાં સરકાર દ્વારા અપેક્ષા રાખવામાં આવતી હતી તેટલા કેસ ઘટયા નથી. કોરોનાની બીજી લહેરમાં સૌથી ચિંતાજનક બાબત એ છે કે મોટી સંખ્યામાં બાળકોને તેનો ચેપ લાગ્યો છે. તેમા પણ ફક્ત કર્ણાટક જેવા રાજ્યમાં છેલ્લા બે મહિનામાં ૪૦ હજારથી વધુ બાળકોમાં કોરોનાનો ચેપ લાગ્યો છે. આ બાળકોની ઉંમર ૯ વર્ષથી ઓછી છે.
કર્ણાટકમાં કોરોના કેસો અનુસાર ૦-૯ વર્ષ ના ૩૯,૮૪૬ બાળકો અને ૧૦-૧૯ વર્ષના ૧૦૫૦ બાળકો કોરોના પોઝિટીવ હોવાનું જાણવા મળ્યું છે. આ આંકડો આ વર્ષે ૧૮ માર્ચથી ૧૮ મે સુધીનો છે. એક સમાચાર પત્રના અહેવાલ મુજબ ગયા વર્ષે કોરોના રોગચાળાની શરૂઆત થઈ ત્યારે કોરોના પોઝિટિવ બાળકોની સંખ્યા ઓછી હતી. જ્યારે આ વર્ષે બીજી લહેરમાં બાળકોને પ્રથમ તરંગની તુલનામાં લગભગ બમણી ગતિએ કોરોના ચેપ લાગ્યો છે.
કોરોના બીમારીના કારણે મૃત્યુ પામેલા બાળકો વિશે વાત કરીએ તો ગયા વર્ષથી લઈને આ વર્ષ ૧૮ માર્ચ સુધી કોવિડ દ્વારા ૨૮ બાળકોના મૃત્યુ થયા હતા. જ્યારે ત્યારબાદ બાદ ૧૮ મે સુધીમાં વધુ ૧૫ બાળકો મૃત્યુ પામ્યા હતા.આ અંગે ડૉક્ટર કહે છે કે આ વખતે જ્યારે કોઈ પણ વ્યક્તિ કોરોના પોઝિટિવ થાય છે ત્યારે ઘરના અન્ય સભ્યોને પણ બે દિવસમાં ચેપ લગાવી રહ્યા છે. મોટાભાગના કેસોમાં બાળકોને અન્યથી સૌથી પહેલા ચેપ લાગ્યો હોય છે.ડૉક્ટરના મતે બાળકોને ખૂબ જ સરળતાથી ચેપ લાગે છે અને ત્યારબાદ તેઓ વડીલોમાં સૌથી વધુ સંપર્કમાં આવે છે. તેથી ચેપ ખૂબ જ ઝડપથી ફેલાય છે. બાળકોમાં કોઈ લક્ષણો દેખાતાની સાથે જ તેમના ઘરના સભ્યોએ તેમની સાથેથી તરત જ અલગ કરી દેવા જોઈએ.
