કોઈ સમજદાર અને જાગૃત માતા-પિતા પોતાના બાળકને એકલા ઘરની બહાર મોકલતા નથી. સાત વર્ષના બાળક માટે બિલકુલ નહીં. કારણે છે અસુરક્ષા. બાળક રમવા જાય કે શાળા કે કોઈ કામ માટે બજારમાં જાય, તેની સાથે હંમેશા કોઈને કોઈ હોય છે. પરંતુ કેટલાક લોકો બાળકોમાં આત્મવિશ્વાસ લાવવા માટે વિવિધ પદ્ધતિઓ પણ અપનાવે છે.
આવો જ એક કિસ્સો વડોદરાથી સામે આવ્યો છે. અહીં ફ્લાઇટમાં એકલી મુસાફરી કરતી સાત વર્ષની બાળકીનો વીડિયો સોશિયલ મીડિયા પર વાયરલ થયો છે. બાળકીનું નામ અનન્યા છે અને આ વીડિયો છોકરીની માતાએ ઈન્સ્ટાગ્રામ પર પોસ્ટ કર્યો છે. આ વીડિયોને અત્યાર સુધીમાં 50 લાખ વખત જોવામાં આવ્યો છે. વીડિયો બતાવવામાં આવ્યું છે કે અનન્યા વડોદરાથી મુંબઈ સુધી એકલી ફ્લાઈટ પૂરી કરીને તેની માતા પાસે ગઈ હતી.
વાત એવી બની કે અનન્યા નામની આ છોકરીને વડોદરામાં તેના મામાના ઘરેથી મુંબઈ એકલી જવાનું થયું. જોકે માતાએ આ માટે ફ્લાઈટ કંપની ઈન્ડિગોનો આભાર માન્યો હતો. પોસ્ટમાં આનો ઉલ્લેખ કરતા તેણે લખ્યું – તેની સરળ પ્રક્રિયા અને સારી વ્યવસ્થાના કારણે પુત્રી સુરક્ષિત રીતે મુસાફરી કરી શકી. તેણે તેને લગતી સમગ્ર પ્રક્રિયા વિશે પણ માહિતી આપી હતી.
https://www.instagram.com/reel/CbaPYywgbTe/?utm_source=ig_web_copy_link
આ અંતર્ગત પરિવારે એક ફોર્મ ભરવાનું હોય છે, જેમાં સગીર બાળક અથવા બાળકી એકલી મુસાફરી કરી રહી હોવાનો ઉલ્લેખ હોય છે. જેમાં 2200 રૂપિયા ચૂકવવા પડશે. બાળકને કોણ રિસીવ કરશે, તેમનું ઓળખ પત્ર પણ ફોર્મ સાથે જોડવાનું છે. આ સમગ્ર પ્રક્રિયામાં અનન્યાનું એરપોર્ટ ગેટ પર ગ્રાઉન્ડ સ્ટાફે સ્વાગત કર્યું અને તેને પોતાની સાથે પ્લેનમાં લઈ ગઈ.
અનન્યાનું મુંબઈમાં તેની માતાએ કર્યું સ્વાગત
વડોદરા એરપોર્ટ પર પહોંચતા અનન્યાના પરિવારના સભ્યોએ તેને ઈન્ડિગોના ગ્રાઉન્ડ સ્ટાફને સોંપી દીધી હતી. ત્યાંથી ગ્રાઉન્ડ સ્ટાફે અનન્યાને એર હોસ્ટેસને સોંપી દીધી. આ પછી, બાળકીની માતાને જાણ કરવામાં આવી અને નિર્ધારિત સમય અને સ્થળે પહોંચવા માટે કહેવામાં આવ્યું. અનન્યાની માતા સમયસર પહોંચી ગઈ અને તેનું સ્વાગત કર્યું. આ સમગ્ર પ્રક્રિયાનો એક વીડિયો પણ પોસ્ટ કરવામાં આવ્યો છે, જે સોશિયલ મીડિયા પર વાયરલ થઈ રહ્યો છે.
આ પણ વાંચો :ભરૂચની લેબર કચેરીમાં લાખો રૂપિયાનું કૌભાંડ, પટાવાળો બેંકના ચલણમાં જાતે જ સિક્કા મારતો
આ પણ વાંચો :બોર્ડની ચાલુ પરીક્ષામાં વિદ્યાર્થીને આવ્યો હાર્ટ એટેક, સારવાર દરમિયાન મોત
આ પણ વાંચો :મધ્યાહન ભોજન યોજના આજથી પુન: શરૂ, શિક્ષણ પ્રધાન જીતુ વાઘાણીએ કરાવ્યો પ્રારંભ
આ પણ વાંચો :આનંદો..! રાજ્યના 9 જિલ્લામાં બનશે નવા સ્પોર્ટ્સ સંકુલ : હર્ષ સંઘવીની જાહેરાત