S&P ગ્લોબલ રેટિંગ્સે સોમવારે ભારતના જીડીપી ગ્રોથના છ ટકાના અનુમાનને જાળવી રાખ્યો હતો. રેટિંગ એજન્સીનું કહેવું છે કે એશિયા પેસિફિક ક્ષેત્રમાં ભારતનો વિકાસ દર સૌથી વધુ રહેશે. સ્થાનિક અર્થવ્યવસ્થાની મજબૂતીને કારણે ચાલુ નાણાકીય વર્ષ અને આગામી નાણાકીય વર્ષ માટે વૃદ્ધિનો અંદાજો યથાવત રાખવામાં આવ્યો છે. છેલ્લો વિકાસ દર અંદાજ માર્ચમાં જાહેર કરવામાં આવ્યો હતો. S&P ગ્લોબલ રેટિંગ્સે એશિયા-પેસિફિક માટે તેની ત્રિમાસિક આર્થિક સમીક્ષામાં જણાવ્યું હતું કે તે ભારત, વિયેતનામ અને ફિલિપાઇન્સ પ્રત્યેક 6 ટકાની આસપાસ વૃદ્ધિની અપેક્ષા રાખે છે. જ્યારે રેટિંગ એજન્સી ફિચ રેટિંગ્સે ચાલુ નાણાકીય વર્ષ (2023-24) માટે ભારતના ગ્રોસ ડોમેસ્ટિક પ્રોડક્ટ (જીડીપી) વૃદ્ધિનું અનુમાન વધારીને 6.3 ટકા કર્યું છે. અગાઉ ફિચે પણ ભારતનો વિકાસ દર છ ટકા રહેવાનો અંદાજ મૂક્યો હતો.
S&P ગ્લોબલ રેટિંગ્સના મુખ્ય અર્થશાસ્ત્રી લુઈસ કુઇજસે જણાવ્યું હતું કે મધ્યમ ગાળામાં વૃદ્ધિનો અંદાજ પ્રમાણમાં નક્કર રહે છે. એશિયામાં ઊભરતાં બજાર અર્થતંત્રો 2026 સુધી આપણા વૈશ્વિક વૃદ્ધિના દૃષ્ટિકોણમાં સૌથી ઝડપથી વિકસતા અર્થતંત્રોમાં રહે છે. S&Pએ જણાવ્યું હતું કે રિટેલ ફુગાવો ચાલુ નાણાકીય વર્ષમાં 6.7 ટકાથી ઘટીને 5 ટકા થવાની ધારણા છે અને આરબીઆઈ આવતા વર્ષની શરૂઆતમાં વ્યાજદરમાં ઘટાડો કરી શકે છે. રેટિંગ એજન્સીએ જણાવ્યું હતું કે સામાન્ય ચોમાસા અને ક્રૂડ ઓઈલના ભાવ હળવા થવાને કારણે ફુગાવો સાધારણ રહેશે. S&P એ 2023 માટે ચીનના વિકાસ અનુમાનને 5.5 ટકાથી ઘટાડીને 5.2 ટકા કર્યો છે.
શું કહે છે આ એજન્સીનો રિપોર્ટ?
રેટિંગ એજન્સી ફિચ રેટિંગ્સે ચાલુ નાણાકીય વર્ષ (2023-24) માટે ભારતના ગ્રોસ ડોમેસ્ટિક પ્રોડક્ટ (જીડીપી) વૃદ્ધિ અનુમાનને વધારીને 6.3 ટકા કર્યો છે. અગાઉ ફિચે ભારતનો વિકાસ દર છ ટકા રહેવાનો અંદાજ મૂક્યો હતો. ફિચે જાન્યુઆરી-માર્ચ ક્વાર્ટરમાં સારી વૃદ્ધિને પગલે ચાલુ નાણાકીય વર્ષ માટે ભારતના જીડીપી વૃદ્ધિ અનુમાનમાં વધારો કર્યો છે. અગાઉના નાણાકીય વર્ષ 2022-23માં વિકાસ દર 7.2 ટકા હતો. તે જ સમયે, 2021-22માં દેશની અર્થવ્યવસ્થા 9.1 ટકાના દરે વૃદ્ધિ પામી હતી. રેટિંગ એજન્સીએ ગુરુવારે જણાવ્યું હતું કે ભારતીય અર્થવ્યવસ્થા વ્યાપક રીતે મજબૂત છે. 2023 ના પ્રથમ ક્વાર્ટર (જાન્યુઆરી-માર્ચ) માં, તે વાર્ષિક ધોરણે 6.1 ટકાના દરે વૃદ્ધિ પામી છે. તાજેતરના મહિનાઓમાં વાહનોના વેચાણના આંકડા સારા રહ્યા છે. આ ઉપરાંત, પરચેઝિંગ મેનેજર્સ ઈન્ડેક્સ (PMI) સર્વે અને ક્રેડિટ ગ્રોથ પણ મજબૂત રહી છે. આ કારણે, અમે ચાલુ નાણાકીય વર્ષ માટે વૃદ્ધિ અનુમાન સુધારીને 0 કર્યું છે.
આ પણ વાંચો:Income Tax Return News/ ITR ફાઈલ કરનારાઓ માટે સરકારની જાહેરાત, હવે સાવધાન નહીં તો 5000નો ભરવો પડશે દંડ
આ પણ વાંચો:PM કિસાન યોજના/સરકારે ખેડૂતોને આપી વધુ એક સુવિધા, હવે આ મોબાઈલ એપ દ્વારા સરળતાથી થશે KYC
આ પણ વાંચો:Britain business with India/જે ભારતને પોતાના પગ નીચે રાખતા હતા, તેની પ્રગતિ જોઈને આજે એકસાથે આવવા માંગે છે બ્રિટન
આ પણ વાંચો:Britain business with India/જે ભારતને પોતાના પગ નીચે રાખતા હતા, તેની પ્રગતિ જોઈને આજે એકસાથે આવવા માંગે છે બ્રિટન
