નવી દિલ્હી,
૨૧ નવેમ્બરથી ટીમ ઇન્ડિયાના શરુ થઇ રહેલા ઓસ્ટ્રેલિયાના પ્રવાસ દરમિયાન ફૂડ મેન્યુમાં બીફ (માંસાહાર) નહીં હોય. ભારતીય ક્રિકેટ બોર્ડ (BCCI) દ્વારા ટીમના ફૂડ મેન્યુ અંગે ક્રિકેટ ઓસ્ટ્રેલિયા (સીએ)ને આ અંગે ભલામણ કરાઈ છે.
ઓસ્ટ્રેલિયાના પ્રવાસ પહેલાની તૈયારી માટે બનેલી BCCIના બે સભ્યોની ટીમ ઈચ્છે છે કે, ટીમના ફૂડ મેન્યુમાં બીફને ન સમાવવા અંગેની વાતને બીસીસીઆઈ અને સીએ (ક્રિકેટ ઓસ્ટ્રેલિયા) વચ્ચે એમઓયુમાં પણ શામેલ કરવામાં આવે.
મહત્વનુ છે કે, નવેમ્બરમાં ભારતીય ટીમ ઓસ્ટ્રેલિયા પ્રવાસ પર જવાની છે. આ વખતે બીસીસીઆઈ સલામત રમત રમી રહ્યુ છે.
આ પહેલા ઓગસ્ટમાં ટીમ ઇન્ડિયાના ઈંગ્લેન્ડ પ્રવાસ દરમિયાન બીસીસીઆઈના સત્તાવાર ટ્વિટર હેન્ડલથી ટીમના લંચ મેન્યુનો એક ફોટો ટ્વિટ કરવામાં આવ્યો હતો. આ મેન્યુમાં બ્રેસ્ડ બીફ પાસ્તા પણ શામેલ હતો.
જો કે ભારતીય ટીમના કેટલાક પ્રશંસકો ટ્વિટર પર આ મેન્યુને જાઈને ભડકી ઉઠ્યા હતા. ત્યારબાદ બીસીસીઆઈ તરફથી આ પ્રકારનુ પગલુ ઉઠાવવામાં આવ્યુ છે.
૨૧ નવેમ્બરથી ૧૮ જાન્યુઆરી સુધી ઓસ્ટ્રેલિયા પ્રવાસ દરમિયાન ભારતે ૩ ટી-૨૦, ચાર ટેસ્ટ અને ત્રણ વન-ડે મેચ રમવાની છે.
આ પ્રવાસ પહેલા ટ્રાવેલ, ક્રિકેટ પ્રેક્ટિસ અને ખાણી પીણી સંબંધિત વ્યવસ્થાની જાણકારી લેવા ઓસ્ટ્રેલિયા પહોંચેલ બીસીસીઆઈ ટીમે સીએને કહ્યુ છે કે, જો ફૂડ મેન્યુમાં શાકાહારી આઈટમ રહેશે તો વધુ સારુ રહેશે.
